މިއަދު ރޮމުން މިއައީ ދިޔާނާ ވަރިކޮށްފައި: ޖާބިރު
ރައްޔިތުންގެ މަޖިލީހުގެ ޖަލްސާއަށް ''މިއަދު ރޮމުން މިއައީ ދިޔާނާ ވަރިކޮށްފައި'' ކަމަށް ކާށިދޫ ދާއިރާގެ މެންބަރު ޖާބިރު ވިދާޅުވެއްޖެއެވެ.
ޖާބިރު ދިޔާނާގެ ވާހަކަ ދެއްކެވީ ދައުލަތުގެ އޮފީސްތަކާއި އިދާރާތައް ހިންގުމާއި ކުއްޔަށް ހިފާފައިވާ އަމިއްލަ ޢިމާރާތްތަކުގެ ކުއްޔަށް މަހެއްގެ މައްޗަށް 8.5 މިލިއަން ރުފިޔާ ދައްކަންޖެހޭކަމަށް ބުނެ އެކަން ހައްލު ކުރަން ގޮވާލައްވައި މަޖިލީހަށް ހުށަހަޅުއްވާފައިވާ ގަރާރަށް ބަހުސް ކުރައްވަން ލިބިވަޑައިގެންނެވި ފުރުސަތުގައި ދެއްކެވި ވާހަކައިގައެވެ.
މިއަދު ދިޔާނާ ވަރިކޮށްފަ އަޅުގަނޑު މި ތަނަށް މިއައީ. ހިތަށް ތަދުވެއްޖެތާ އަޅުގަނޑުގެ ވެސް. ރައްޔިތުންގެ މަޖިލީހުގަ 22 އަހަރުވީމަ މަގޭ އަންހެނުންތަ ދާންވީ.
ޖާބިރު ދިޔާނާގެ ވާހަކަ ފެއްޓެވުމުން ރިޔާސަތުގައި އިންނެވި ނަޝީދު ވަނީ އެ ވާހަކަ ހުއްޓުވައިފައެވެ. ނަޝީދު ވިދާޅުވީ މި މަޖިލީހުގައި ޒަވާޖީ ހަޔާތުގެ ވާހަކަ ދައްކަވާކަށް ފުރުސަތެއް ނުދެއްވޭނެ ކަމަށެވެ.
އެ ގޮތުން ޖާބިރު ވިދާޅުވީ އެ ވާހަކަ ދަންނަވައިލީ ''އަޅުގަނޑުގެ ހިތަށް ތަދުވީމާ'' ކަމަށެވެ.
ތިގޮލާ ހިފާ ހައްޔަރުކޮށްބަލަ. ގައުމެއްގެ ރައްޔިތުންގެ މަޖިލީހެއް ކިލަނބު ކޮށްލައިފި.