އިންޑިއާ އަކީ ރާއްޖޭގެ ޙަޤީޤީ ރަޙްމަތްތެރިއެއް: މަވޯޓާ
އިންޑިއާއިން ރާއްޖެއަށް، ބޭނުން ޖެހިއްޖެ ކޮންމެ ދަނޑިވަޅެއްގައިވެސް އެހީތެރިކަން ފޯރުކޮށްދޭ ކަމަށް ރައްޔިތުންގެ މަޖިލީހުގެ މަރަދޫ ދާއިރާގެ މެމްބަރު އިބްރާހީމް ޝަރީފު (މަވޯޓާ) ވިދާޅުވެއްޖެއެވެ.
އިންޑިއާއިން ރާއްޖެއަށް އިތުރު 100 މިލިއަން ޑޮލަރުގެ ލޯނު ދިނުމާ ގުޅިގެން، ޝަރީފު ކުރެއްވި ޓްވީޓެއްގައި އެ ޤައުމުގެ ސަރުކާރަށް ޝުކުރު ދަންނަވައި ވިދާޅުވީ އިންޑިއާ އަކި ރާއްޖޭގެ ހަޤީޤީ ރަޙްމަތްތެރިއެއް ކަމަށެވެ.
ޝަރީފު ވަނީ މި ދަތި އުދަނގޫ ދަނޑިވަޅުގައި އިންޑިއާ ސަރުކާރުން ރާއްޖެއަށް އެތައް މިލިއަން ރުފިޔާއެއް ހަދިޔާ ކުރުމުން، އެކަމަށް ޝުކުރު އަދާ ކުރައްވާ ކަމަށް ވިދާޅުވެފައެވެ.
ފޮރިން މިނިސްޓްރީގައި އިއްޔެ ބޭއްވި ރަސްމިއްޔާތެއްގައި، 100 މިލިއަން ޑޮލަރުގެ ލޯނުގެ ރަމްޒީ ލިޔުން ހަވާލުކޮށްދެއްވީ އެ ޤައުމުން ރާއްޖެ ކަނޑައަޅާފައިވާ ސަފީރު މުނޫ މަހާވަރެވެ.
ރާއްޖޭގެ ފަރާތުން އެ ލިޔުމާ ހަވާލުވެވަޑައިގަތީ ފޮރިން މިނިސްޓަރު ޝާހިދާއި ފިނޭންސް މިނިސްޓަރު އިބްރާހިމް އަމީރެވެ.
އިންޑިއާއިން ދިން ލޯނާ ގުޅޭގޮތުން ފޮރިން މިނިސްޓްރީން އިއްޔެ ވިދާޅުވީ އެއީ މި އަހަރުގެ އޮގަސްޓް މަހުގެ 1-4 އަށް ރައީސް ސާލިހު އިންޑިއާއަށް ކުރެއްވި ރަސްމީ ދަތުރުފުޅުގައި އިންޑިއާ ސަރުކާރާއެކު ކުރެވުނު މަޝްވަރާއެއްގެ ތެރެއިން ހަމަޖެހުނު މާލީ އެހީއެއް ކަމަށެވެ.
މަވޯޓާއަކީީ ފައިސާއައްް ކޮންމެކަމެއްކޮފާނެކަންް ހާމަކޮއްދައްކާފަހުރިި މަކަރުވެރިި ހީލަތްތެރިއެއްް މިހާރުވެސްް މެލޭސިޔާއެމްބަސީއައްް ދަރިހަވާލުކޮއްގެންް އެއޮއްނަގާފައިސާތައްް ކޮންމެދުވަހަކުކިޔާއަޑުއިވޭޭ