ހުޅުމާލެއަކީ ދައުލަތުގެ އެންމެ ބޮޑު ދަރަނި، އެ ދެއްކުމަށް މިއަދު މިވަނީ ޓެކްސް ބޮޑު ކުރަން ޖެހިފައި: ރައީސް ނަޝީދު
މިއަދުގެ ދައުލަތުގެ އެންމެ ބޮޑު ދަރަންޏަކީ ހުޅުމާލޭގެ ދަރަނި ކަމަށާއި، އެކަން އެހެން ވެގެންދިޔައީ ޚިޔާނާތުގެ ސަބަބުން ކަމަށް، އެމްޑީޕީގެ ރިޔާސީ ޕްރައިމަރީ ކެނޑިޑޭޓް، ރައީސް މުޙައްމަދު ނަޝީދު ވިދާޅުވެއްޖެއެވެ.
ރައީސް ނަޝީދު މިހެން ވިދާޅުވީ، މިއަދު ހަވީރު، ހިޔާ ފްލެޓް ސަރަހައްދުގައި އެތަނުގައި އުޅޭ ފަރާތްތަކާ ބައްދަލުކޮށް ދެއްކެވި ވާހަކަފުޅުގައެވެ.
"ހުޅުމާލޭގެ ތަރައްޤީއަކީ، އަދި ހުޅުމާލެ ބޭނުންތެރި ކަމަކީ އެއް ވެސް ބޭފުޅަކަށް އިންކާރު ކުރެވޭނެ ކަމެއް ނޫން. އަދި މިކަން މިގޮތަށް ކޮއްފައި އޮތުމަކީ ބަލައިގަންނަން ޖެހޭ ކަމެއް." ރައީސް ނަޝީދު ވިދާޅުވީ، ހުޅުމާލެ ތަރައްޤީ ކުރުމަކީ ކުރަން ޖެހޭ ކަމެއް ކަމަށާއި ނަމަވެސް އެކަމުގައ ޚިޔާނާތްވެފައިވާ ކަމަށެވެ.
"ޚިޔާނާތުގެ ގެއްލުން އެންމެ ސާފުކޮށް ފެނިގެންދާ އެއްތަނަކީ ހުޅުމާލެ. ހުޅުމާލޭގެ މަސައްކަތްތަކަށް ކުރެވުނު ޚަރަދު ނުހަމަ ގޮތުގައި، ނުއަގުގައި ކުރުމުގެ ސަބަބުން ދަރަނި މިވަނީ އިންތިހާ އަށް އުފުލިފައި." ހިޔާ ފްލެޓްތަކަށް އިޝާރާތް ކުރައްވާ ރައީސް ނަޝީދު ވިދާޅުވީ، ހުޅުމާލޭގައި އަކަ ފޫޓެއް އިމާރާތް ކުރުމަށް 2،000ރ. ހޭދަކޮށްފައިވާ ކަމަށެވެ. އަދި މިއީ ދައުލަތުގެ ދަރަނި ބޮޑުވާން ޖެހުނު ސަބަބެއް ކަމަށް ވިދާޅުވިއެވެ.
"ހުޅުމާލޭގެ ދަރަނި އެއީ މި ދައުލަތުގެ މިހާރުގެ އެންމެ ބޮޑު ދަރަނި. އެ ދަރަނި އަނބުރާ ދެއްކުމަށްޓަކައި ދައުލަތަށް މިވަނީ ޓެކްސް ބޮޑު ކުރަން ޖެހިފައި. އެ ދަރަނި އަލުން އަނބުރާ އެކުލަވާނުލެތީ، މިއަދު 2023 ވަނަ އަހަރު މިވަނީ ދައުލަތުން ޓެކްސް ބޮޑުކޮށް، ދަރަނި ދައްކަން ފައިސާ ހޯދަން ޖެހިފައި. އެ ދަރަނި ދެއްކުމަށް އަނެއްކާވެސް އަލުން އަނބުރާ ރައްޔިތުން އަތުން ޓެކްސް ނަގަން މިޖެހެނީ. އެއީ އެމްޑީޕީގެ އެއްވެސް މެމްބަރަކު ރާއްޖޭގެ އެއްވެސް ރައްޔިތަކު އެދޭ ކަމެއް ނޫން."
ރައީސް ނަޝީދުގެ ވާހަކަފުޅުގައި އިތުރަށް ވިދާޅުވީ، ސަރުކާރުގެ ބަޖެޓުން ނުވަތަ ސަރުކާރުން ލޯނު ނަގައިގެން ބޯހިޔާވަހިކަމުގެ މަޝްރޫއުތައް ހިންގުމުގެ ބަދަލުގައި، ވިޔަފާރި އުސޫލުން ގިނަ އަދަދެއްގެ ފްލެޓްތައް އެއް ފަހަރާ ގާއިމްކުރުމެވެ. އަދި މިކަމަށް ރައީސް ނަޝީދުގެ ސަރުކާރުގައި ބިންދެވުނު ކަމަށާއި، ވެށިފަހި ޕްރޮގްރާމްގެ ދަށުން ދެވުނު ބިންތަކުގައި މިއަދު ފްލެޓް އެޅި ހެޔޮ އަގުގައި އެހެން މީހުންނަށް ފްލެޓްތައް ލިބޭ ކަމަށެވެ.
ހުޅު މާލެ އަކީ ދަރަންޏެއް ނޫން . ހުޅުމާލޭ ގެ ދަރަނި ވެރިންނަކީ ފްލެތް ލިބޭ ރައްޔިތުން .ފްލެޓްލިބޭ ފަރާތްތަކަށް ފްލެޓް ނުދި ހިފަހައްޓާ އެތަން ނިންމަން ކަނޑައަޅާފަ އޮތް ދުވަހަށް ނިންމިޔަ ނުދިނީވެސް ތިޔަ ނަސީދު. އެތަން އަގު ބޮޑުވީ ވެސް ނަސީދުގެ ސަބަބަުން. ޗައިނާ އަށް ނަސީދު ފުރައްސާރަ ކުރުމުގެ ސަބަބުން.