ޓެކްސް ބޮޑުކުުރުމުން 20 ޕަސެންޓް އަގުން ބޮޑުވެ، އާމްދަނީ މަދު ފަރާތްތަކަށް މަސް ނިމޭއިރު ދެކޮޅު ނުޖެހޭ: ރައީސް ނަޝީދު
ޖީއެސްޓީ ބޮޑުކުރަން ސަރުކާރުން ނިންމި ނިންމުމާއެކު، މުދަލަތުގެ އަގު 20 އިންސައްތަ ބޮޑުވާނެ ކަމަށާއި، އެެކަމުން އާއްމުދަނީ މަދު ފަރާތްތަކަށް ބޮޑު ތަކުލީފެއް އުފުލަން ޖެހޭނެ ކަމަށް، ރައްޔިތުންގެ މަޖިލީހުގެ ރައީސް، ރައީސް މުޙައްމަދު ނަޝީދު ވިދާޅުވެއްޖެއެވެ.
މިއަދު ހިޔާ ފްލެޓް ސަރަހައްދުގައި އެމަނިކުފާނުގެ ރިޔާސީ ޕްރައިމަރީ ކެންޕެއިން ޖަލްސާގައި ވާހަކަފުޅު ދައްކަވަމުން ރައީސް ނަޝީދު ވަނީ ސަރުކާރުން ގެންގުޅެމުން އަންނަނީ އެމްޑީޕީގެ ސިޔާސަތު ނޫން ކަމަށް ވިދާޅުވެ، ޓެކްސް ބޮޑު ކުރަން ޖެހި ރައްޔިތުން ތަކުލީފްގެ ތެރެއަށް ވެއްޓެން ޖެހެނީ މިހެންވެ ކަމަށް ވިދާޅުވެފައެވެ.
"މިއަދު މި ފްލެޓްތަކުގައި ދިރިއުޅޭ ރައްޔިތުންނަށް ދިމާވެފައިވާ އެންމެ ބޮޑު ތަކުލީފަކީ، އާއްމުދަނީ މަދުވުމާއި ތަކެތީގެ ޚަރަދު ބޮޑުވެ، އެހެންވީމަ އެ މީހުން ދިިރިއުޅުމުގައި ހާސްކަމާއި ކުރިމަތިލާން ޖެހުން. ޓެކްސް ބޮޑު ކުރުމާއި ގުޅިގެން ތަކެތީގެ އަގު 20 ޕަސެންޓުން އުފުލިގެން އެބަދޭ. އެހެންވީމާ ކުޑަ އާއްމުދަނީގައި ދިރިއުޅޭ ރައްޔިތުންނަށް އަބަދު ވެސް އޮންނާނީ މަސް ނިމޭއިރުގައި ދެކޮޅު ނުޖެހިފައި" ރައީސް ނަޝީދު ވދިާޅުވީ އެމްޑީޕީގެ އަބަދު ވެސް އަމާޒަކީ ރައްޔިތުންނަށް ފައިދާ ލިބި، ތަނަވަސްކަން ލިބުން ކަމަށާއި ނަމަވެސް ޓެކްސް ބޮޑު ކުރުމުން އެކަން ނުވި ކަމަށެވެ
"ދަރަނި އަލުން އެކުލަވާނުލެވުނުކަން އެއީ މިއަދު އެމްޑީޕީ މެންބަަރުން ސަރުކާރުން ގުޅޭ ގޮތުން ހިތްހަމަ ނުޖެހުން އުފެދޭކަން. ޓެކްސް ބޮޑުކޮށް، ސަރުކާރުގެ ޚަރަދު ކުޑަ ކުރާން ޖެހުމަކީ އެމްޑީޕީގެ ސިޔާސަތު ތަންފީޒް ނުވިކަން ދޭހަ އެބަކޮށްދޭ"
ރައީސް ނަޝީދު ވިދާޅުވީ، އެމަނިކުފާނު އެމްޑީޕީ ޕްރައިމަރީގައި ކުރިމަތި ލެއްވީ، އަލުން އަނބުރާ އެމްޑީޕީގެ ސިޔާސަތުތަކަށް ޖާގަ ހޯދައިދިނުމަށްޓަކައި ކަމަށާއި އެ ޕާޓީގެ ސިޔާސަތުތަކަކީ މިއީރާއްޖޭގެ ރައްޔިތުން ބަލައިގަންނަ، ބަލައިގަންނަނާނެ ސިޔާސަތު ތަކެއް ކަމަށެވެ. އަދި އެމަނިކުފާނުގެ ވެރިކަމެއްގައި ޓެކްސް ކުޑަ ކުރައްވާނެ ކަމަށް ވިދާޅުވާ ވިދާޅުވުން ތަކުރާރު ކުރެއްވިއެވެ.
އެމްޑީޕީގެ ދެވެރިކަން ދެކެފީމް ކްރެވުނީ ހަމަ އެއްތަޖްރިބާއެއް، މަނިކުފާނުގެ ވެރިކަން މިއަށްވުރެ ދޯހަޅި
ޏުޖެހޭ އެއްވެސް ޓެކްހެއް ނަގާކަށް. 2011 ވަނަ އަހަރާ ހަމަޔަށް މިޤައުމުގަ ވެރިކަން ކުރީ އެއްވެސް ޓެކްހެއް ރައްޔިތުން އަތުން ނަގައިގެނެއް ނޫން. ކުރެވުނު ކަންތަކެއްވެސް މަދެއް ނޫން. ވިލިނގިލި، ހުޅުމާލެ، ތަރައްޤީ ކުރީ ޓެކްސް ނަގައިގެނެއް ނޫން. ރާއްޖޭގެ ހުރިހާ އަތޮޅެއްގައި ސްކޫލް މަދަރުސާ ސިއްޙީ މަރުކަޒު ހޮސްޕިޓާ ޤާއިމްކުރީ ޓެކްސް ނަގައިގެނެއް ނޫން. މާލެ ތަރައްޤީ ކޮށް މުޅިމާލޭގެ މަގުތައް ހަދާ ރައީސް އޮފީސް، ރިޔާސީ ގަނޑުވަރު، ވެލާނާގޭ ބިލްޑިންގް ފަދަ އެތަކެއް އިންފްރަސްޓްރަކްޗަރ މާލެއާއި ރާއްޖެ ތެރޭގައި ޤާއިމް ކުރީ ޓެކްސް ނަގައިގެނެއ ނޫން. ރައްޔިތުން ދަރަނިވެރި ނުކޮށް ރައްޔިތުން ފެލާނުލާ ވެރިކަން ކުރަން އެނގެން ޖެހޭ. މިހާރު މިކުރަނީ ވެރިކަމެއް ނޫން.
މަސް ނިމެންދެން ކީއްކުރަން. މަހުގެ މެދާއި ހަމަޔަށް ދާއިރު ނާށިގަނޑު ހިފައިގެން ސަލާންޖަހަން ނުކުންނަން ޖެހޭނެކަން ކަށަވަރު. ދޮގާއި މަކަރާެއި ހީލަތުން ރައްޔިތުން ހައްލަިގެން ވެރިކަމަށް އައިސް ރައްޔިތުންގެ ލޭ ބޯ ސަރުކާރެއް މިނޫނީ ނުދެކެން