އިންތިހާބު ކާމިޔާބު ކުރާ ފޯމިއުލާއަކަށް ރައީސް ޞާލިޙް ބޭނުންކުރަނީ ރައްޔިތުންގެ ކުންފުނިތައް: ޝަރީފް
އިންތިހާބު ކާމިޔާބު ކުރާ “ފޯމިއުލާއަކަށް” ރައީސް ޞާލިޙް ބޭނުންކުރަނީ ރައްޔިތުންގެ ކުންފުނިތައް ކަމަށް ޕީއެންސީގެ ނައިބުރައީސް އަދި މަޑުއްވަރީ ދާއިރާގެ މެމްބަރު އާދަމް ޝަރީފް އުމަރު ވިދާޅުވެއްޖެއެވެ.
ޝަރީފް މިފަދައިން ވިދާޅުވީ އިންތިހާބު ކާމިޔާބު ކުރާނެ ފޯމިއުލާއާއި، ރައްޔިތުންގެ ތާއީދު ހޯދާނެ ފޯމިއުލާ ވަރަށް ރަނގަޅަށް އެނގިވަޑައިގަންނަވާ ކަމަށް އެމްޑީޕީގެ ރިޔާސީ ޕްރައިމަރީގައި ވާދަކުރައްވާ ރައީސް އިބްރާހިމް މުޙައްމަދު ޞާލިޙް ވިދާޅުވުމާގުޅިގެންނެވެ.
މިކަމާ ގުޅިގެން ޝަރީފް ކުރެއްވި ޓްވީޓެއްގައި ވިދާޅުވީ އިންތިހާބު ކާމިޔާބު ކުރާ ފޯމިއުލާއަކަށް ރައީސް ޞާލިޙް ބޭނުންކުރަނީ ރައްޔިތުންގެ ކުންފުނިތައް ކަމަށާއި ކުންފުނިތައް ބަގުރޫޓު ކުރަމުން ދަނީ ސިޔާސީ ބޭނުމުގައި ހިންގާ ކޮރަޕްޝަންގެ އަމަލުތަކުން ކަމަށެވެ.
“އިންތިހާބު ކާބިޔާބުކުރާ ފޯމިއުލާއަކަށް ކުންފުނިތައް ބަންގުރޫޓު ކުރުން ހުއްޓާލުމަށް ގޮވާލަން” ޝަރީފް ވިދާޅުވިއެވެ.
އެމްޑީޕީގެ މައި ޖަގަހައިގައި ރޭ ބޭއްވި ކެމްޕެއިން ޖަލްސާގައި ވާހަކަފުޅުދައްކަވަމުން ރައީސް ޞާލިޙް ވިދާޅުވީ އެމްޑީޕީން މާޒީގައި ވެރިކަން ކުރަން ލިބުނު ފުރުސަތުގައި ވެރިކަން ކުރިގޮތާއި، އަދި މިވެރިކަމާއި ހުރި ތަފާތު ރައްޔިތުންނަށް ސާފުވާނެކަމަށެވެ.
އަދި ރައްޔިތުންގެ ތާއީދު ހޯދާނެ ފޯމިއުލާ އެނގިލައްވާ ކަމަށާއި ބޮޑުތަނުން އިންތިޚާބު ކާމިޔާބު ކުރާނެ ކަމަށް ރައީސް ޞާލިޙް ވިދާޅުވިއެވެ.
ކުންފުނިތައް އެކަންޏެއްނޫން، އަމިއްގައުމަށއ އެހީނުވާ މޯދީގެ އަތުންފައިސާއާ ގައުމުގެ ހުރިއްޔާހުރި ހަކަތައެއްވެސް ފޯމިއުލާތެރޭގާ ހިމެނޭ، އަމިއްލަ މުށުތެރެއަށް ހުރިހާބާރު ތަކެއްލައިގެން މިއުޅޭ މޯދީއާ މިގައުމުގާ މިއޮތް ހީލަތްތެރި ވެރިކަމުގެ ވެރިއާ އެކޭ ހަމަ ތަފާތެއްވެސް ނެތް ކުރަނީ ހަމަ އެއްކަމެއް، އަމިއްލަ ގައުމު ނިކަމެތި ރައިއްޔަތުންނަށް އެއްވެސް އަޅާލުމެއްނެތި މި ދެވެރީންވެސް ބަލަނީ އެމީހުން އެމީހުނަށް ބޭނުންވާކަންތައްތަކެއް ކޮށްގެން ވެސް ވެރިކަމުގާ ވަކިހިތްޕަޢިގެން ތިބެވޭނެ ހިޔަޅު ބުއްދިއެއް ކުރެވޭތޯ ވަކި ހިތްޕައްިގެން ތިބެވޭތޯ، މިއަށް ކިޔާނީ ހިޔަޅު ފޯމިއުލާ، ފައިސާދޭ ފޯމިއުލާ.