ރައީސް ނަޝީދުގެ ފާޑުކިޔުން މާރިޔާއަށް: އަޅުގަނޑުމެން ވޯޓް ހޯދަން ޖެހޭނީ ބުނެ ކިޔާ އާދޭސްކޮށްގެން، އިތުރު މީހެއް ފޮނުވައިގެން ނޫން
އެމްޑީޕީ ރިޔާސީ ޕްރައިމަރީގައި ވާދަވެރި ކެނޑިޑޭޓް، ރައީސް ޞާލިޙްގެ ކެންޕެއިން ޓީމުގެ ފަރާތްތަކުން ދޮރުން ދޮރަށް ހިނގާތީ، ރައީސް މުޙައްމަދު ނަޝީދު ފާޑު ވިދާޅުވެއްޖެއެވެ.
ރައީސް ޞާލިޙްގެ ކެންޕެއިން ޓީމުގެ ފަރާތުން، ކެންޕެއިން ސްޕޯކްސްޕާސަން ގެންދަވަނީ ކޮންމެ ދުުވަހަކު ވެސް މާލޭގެ ގެއިން ގެއަށް ޒިޔާރަތް ކުރަމުންނެވެ. މިކަމަށް ފާޑު ވިދާޅުވަމުން މިއަދު އއ. ރަސްދޫގައި ކުރިޔަށް ދިޔަ ކެންޕެއިން އިވެންޓްގައި ރައީސް ނަޝީދު ވިދާޅުވީ، އެޖެންޓަކު ފޮނުވައިގެން ވޯޓް ހޯދުމަކީ އެއްވެސް އިރެއްގައި އެމްޑީޕީން ކުރި ކަމެއް ނޫން ކަމަށެވެ.
"އަޅުގަނޑުމެންނަކީ އެހެން ފިކުރެއް. އަޅުގަނޑުމެންނަކީ އެހެން ބާވަތެއްގެ ބައެއް. އަޅުގަނޑުމެން ވޯޓް ހޯދަން ޖެހޭނީ ގެއިން ދޮރުން ދޮރަށް ހިނގައިގެން. ތިބޭފުޅުންނާ އަޅުގަނޑުމެން ބައްދަލުކޮށްގެން. ބުނެކިޔާ އާދޭސްކޮށްގެން. އެތައް ވާހަކައެއް ދައްކައިގެން" ރައީސް ނަޝީދު ވިދާޅުވީ، ބަދަލުގައި ބޭފުޅަކު ފޮނުވައިގެން ކެންޕެއިން ކުރައްވާއިރު ކެންޕެއިން ކުރައްވަނީ ކޮން ބޭފުޅަކަށް ރައްޔިތުންނަށް އޮޅޭ ކަމަށެވެ.
"އަޅުގަނޑު އިއްޔެ ވަތް ގެއެއްގައި އަޅުގަނޑު ދަންނަ އާއިލަކުން ވަޑައިގެން ވިދާޅުވިއޭ، ރައީސަށް ވޯޓެއް ހޯދާށޭ މިއައީ. ތިމަންމެން ބުނީމޭ އާނއެކޭ ރައީސަަށް ވޯޓް ދޭނަމޭ، އަޅުގަނޑުމެން އަބަދުވެސް ދެމުންނޭ މިގެންދަނީ. މާފަހުން އެ ވޯޓް ހޯދަން ވަޑައިގެންނެވި ވަޒީރު ބޭފުޅާ ވަޑައިގެންނެވީ އެހެން ރައީސެއްގެ ވާހަކަ ދައްކަވައްކަން އެ ގޭ މީހުންނަށް ރޭކާލީ"
ރައީސް ނަޝީދުވަނީ މެންބަރުންނަށް ބިރު ދައްކައިގެން ވޯޓް ހޯއްދަވަން ނޫޅުއްވުމަށާއި އެއީ އެ ޕާޓީގެ އުސޫލެއް ނޫން ކަމަށް ވެސް ވިދާޅުވެފައެވެ.
ރައީސް ނަޝީދުގެ ވާހަކަފުޅުގައި އިތުރަށް ވިދާޅުވީ، އެމްޑީޕީ މެންބަރުން އެބޭފުޅާއަށް ވޯޓް ދޭނެކަން އަބަދުވެސް އިނގޭ ކަމަށާއި އެމަނިކުފާނު ނިކުންނަވީ އެމްޑީޕީގެ ފިކުރެއް ދިރުވަން ކަމަށެވެ.
"ދެން ވެސް އުފެދޭނީ އެމްޑީޕީގެ ސަރުކާރެއް، އަޅުގަނޑު އަނެއްކާ ވެސް ތިބޭފުޅުންނަށް ވެރިކަންކޮށްދޭނަން" ރައީސް ނަޝީދު ވިދާޅުވިއެވެ.
ނަޝީދަކީވެސް ޙާއިނެއް ގައުމައް ހެވެއް އެދޭ އެކަތިވެސް ތި އެމްޑީޕީގައި ނެއް ހުސް ވަގުން ޔާﷲ މި ލާދީނީ ބައިގަނޑު ފަނާ ކުރައްވައި ފާދޭވެ އާމީ.‘
ބުނެކިޔާ އާދޭސްކުރަން ދަނީ މީހެއް ނޫންތޯ؟ ނޫނީ އެެީ ތިކަކަހަލަ ވިގަންޏެއްތޯ؟؟؟