ޕީޕީއެމުން ޓެކްސްގެ ބުރަ ފިލުވައިދޭނެ: އާދަމް ޝަރީފު
ޖީއެސްޓީގެ ބުރަ، ޕްރޮގްރެސިވް ޕާޓީ އޮފް މޯލްޑިވްސް (ޕީޕީއެމް)އިން ފިލުވައިދޭނެ ކަމަށް، ޕީއެންސީގެ ނައިބު ރައީސް އާދަމް ޝަރީފު އުމަރު ވިދާޅުވެއްޖެއެވެ.
އޭނާ ކުރެއްވި ޓްވީޓެއްގައި ވިދާޅުވެފައިވަނީ ސަރުކާރުން ޓެކްސް ބޮޑު ކުރުމަށް ނިންމެވި ނިންމެވުމާ ގުޅިގެން، މި އަހަރުގެ ތެރޭގައި ތަކެތީގެ އަގު، އެވްރެޖުކޮށް 10 އިންސައްތަ ބޮޑުވެފައިވާ ކަމަށެވެ.
މިސާލެއްގެ ގޮތުގައި އާދަމް ޝަރީފު ވަނީ، ޓެކްސް ބޮޑު ކުރުމުގެ ކުރިން، 100 ރުފިޔާއަށް ލިބުނު ޕިއްޒާ، މިހާރު ލިބެނީ 113 ރުފިޔާއަށް ކަަމަށް ވިދާޅުވެފައެވެ.
"މިއީ ޖީއެސްޓީ ބޮޑު ކުރުމުގެ ނަތީޖާ، މިހެން ވާނެކަން، ޖީއެސްޓީ ބޮޑު ކުރުމުގެ ކުރިން، ސަރުކާރާ، ރައްޔިތުންގެ މަޖިލީހުގެ ސަމާލުކަމަށް ގެނައިން. މި ބުރަ ޕީޕީއެމުން ފިލުވައިދޭނެ."
ޖީއެސްޓީ އާއި ޓީޖީއެސްޓީ ބޮޑު ކުރުމަށް ސަރުކާރުން މަޖިލީހަށް ހުށަހެޅުއްވި ބިލް ފާސްކުރައްވައި، ރައީސް އިބްރާހީމް މުޙައްމަދު ޞާލިޙް ތަންފީޒު ކުރެއްވުމާ ގުޅިގެން، މިއަހަރުގެ ޖެނުއަރީ އެކަކުން ފެށިގެން އާ ރޭޓުތަކަށް ވަނީ ޢަމަލު ކުރަން ފަށައިފައެވެ.
ޓެކްސް ޤާނޫނަށް ގެނައި އިސްލާހުގެ ސަބަބުން، ފަތުރުވެރިކަމުގެ ބޭނުންތަކަށް ހިންގާ ރިސޯޓުތަކާއި ހޮޓާތަކާއި، ގެސްޓު ހައުސްތަކާއި އެ ނޫން ވެސް ތަންތަނުން ނަގާ ޓެކްސް 12 ޕަސެންޓުން 16 ޕަސެންޓަށް ވަނީ ބޮޑުވެފައެވެ.
އަދި އާންމު ޚިދުމަތްތަކާއި މުދަލުން ނަގާ ޓެކްސް ނުވަތަ ޖީއެސްޓީ ހަ ޕަސެންޓުން އަށް ޕަސެންޓަށް ވަނީ ބޮޑުވެފައެވެ.
ދިވެހިރާއްޖޭގަހުރި އެންމެ ހަރުދަނާ ލީޑަރ ޢަބްދުﷲ ޔމީން ޖަލުގަހުރުމަކީ،ޤަވްމީ ހިތާމައެއް، މުޅިރާއްޖެ އެދިގޮވަނީ ހަރުއަޑުން ރައީސް ޔާމީން.