ރައީސް ޞާލިޙް ވެރިކަމަށް ގެނައީ ވެސް، އަދި ވެރިކަމުން ބާލާނީ ވެސް އަޅުގަނޑު: ރައީސް ނަޝީދު
ރައީސް އިބްރާހީމް މުހައްމަދު ޞާލިޙް، ވެރިކަމަށް ގެނައީ ވެސް އަދި ވެރިކަމުން ދުރުކުރާނީ އެމަނިކުފާނުގެ މަސައްކަތުން ކަމަށް އެމްޑީޕީގެ ރައީސް މުހައްމަދު ނަޝީދު ވިދާޅުވެއްޖެއެވެ.
ރިޔާސީ ޕްރައިމަރީގެ ކެންޕެއިންގައި މިހާރު ބ. ހިތާދޫއަށް ވަޑައިގެން ސަޕޯޓަރުންނާ އެކު ބޭއްވި ބައްދަލުވުމުގައި ނަޝީދު ވިދާޅުވީ، ރައީސް ނަޝީދު ވެރިކަމަށް ގެނައުމަށް އެމަނިކުފާނު ރައްޔިތުންގެ ކިބައިން އެދިފައިވާނެ ކަމަށެެވެ. އަދި މިހާރު ރައީސް ޞާލިޙް ވެރިކަމުން ބާލުވަން އުޅުއްވަނީ ވެސް އެމަނިކުފާނު ކަމަށް ވިދާޅުވިއެވެ.
"އަޅުގަނޑަށް ވެސް އެނގޭ ރައީސް ޞާލިޙް ވެރިކަމަށް ގެންނަންވެސް ބުނީ އަޅުގަނޑުކަން. އެހެންވީމަ، ރައީސް ޞާލިޙް ވެރިކަމުން ބާލަންވެސް ހަމަ އުޅޭނީ އަޅުގަނޑު." ރައީސް ނަޝީދު ވިދާޅުވީ ﷲގެ އިރާދަފުޅާއެކު އެކަން ކުރައްވާނެ ކަމަށެވެ.
ނަޝީދުގެ ވާހަކަފުޅުގައި އިތުރަށް ވިދާޅުވީ، އެމްޑީޕީގެ މެނިފެސްޓޯގައި ރައީސް ޞާލިޙް ވެރިކަމަށް ގެނައީ އަށާރަަ މަސް ދުވަހަށް ކަމަށެވެ.
ނަޝީދު ވިދާޅުވާ ގޮތުގައި، ރައީސް ޞާލިޙް ވެރިކަމަށް ގެނައީ ދޮޅު އަހަރު ފަހުން އިންތިޚާބެއް ބާއްވާގޮތަށެވެ. އެއީ ނިޒާމް ބަދަލު ކުރުމަށް ނަގާ ވޯޓެކެވެ. ރައީސް ޞާލިޙް ވިދާޅުވީ، އެފަދަ ނިންމުމެއް ނިންމާފައިނުވާނެ ކަމަށެވެ.
ރައީސް ނަޝީދު ގެންދަވަނީ އެމަނިކުފާނު ރަށްތަކަށް ކުރައްވާ ދަތުރުފުޅުގައި ރައީސް ޞާލިޙަށް ވަރަށް ބޮޑަށް ފާޑު ވިދާޅުވަމުންނެވެ. މިގޮތުން ސަރުކާރުން އުޅެނީ ނުފޯރާ ފޮތިން ފޫގަޅަން ކަމަށް ވިދާޅުވެ، ސަރުކާރުން ނުހިންގޭހާ ޕްރޮޖެކްޓްތައް ނަގައިގެން އުޅޭތީ ވަނީ ފާޑު ވިދާޅުވެފައެވެ.
ތިއީހަމަ ތެދެއް މަ ތާއީދު
ހަމަ ތިހެން ފެލިފެލި ހުންނަންޖެހޭނީ…ބޭރުކުރަނީ ކަލޭ.