ދޮގުހަދާވަރުން، ރައްޔިތުން މިއަދު ތިބީ އެމްޑީޕީ ދެކެ ރުޅި އައިސްފައި: ނަޝީދު
ރައްޔިތުން ކައިރީގައި ވޯޓަކަށް އެމްޑީޕީން އެދެން މިހާރު މިއޮތީ ދަތިވެފައިކަމަށާއި ރައްޔިތުން މިއަދު ތިބީ ދޮގު ހަދާވަރުން އެ ޕާޓީ ދެކެ ރުޅި އައިސްފައިކަމަށް ކުރީގެ ރައީސް މުޙައްމަދު ނަޝީދު ވިދާޅުވެއްޖެއެވެ.
ރައީސް ނަޝީދު މިހެން ވިދާޅުވީ އެމްޑީޕީގެ ރިޔާސީ ޕްރައިމަރީގެ ކެމްޕޭނުގައި ލ. ހިތަދޫގައި މިއަދު ބޭއްވި ޖަލްސާގައި ވާހަކަފުޅު ދައްކަވަމުންނެވެ.
"ރައްޔިތުން ކައިރީގައި ވޯޓަކަށް އެމްޑީޕީން އެދެން މިހާރު މިއޮތީ ދަތިވެފަ. މިހިތަދޫއަކީ އަޅުގަނޑު މިހަރުގެ ހުޅުވަން ފުރަތަމަ ފަހަރު އައި ފަހަރު އެއީ 2013 ވަނަ އަހަރު ދޮންކޭލާލައި އަޅުގަނޑު ކިރި. ހަނދާން އެބަހުރި އަދި ވަރަށް އުފާވެސް ވޭ. އެހެންނަމަވެސް މިއަދު އަޅުގަނޑު ޕާޓީއާމެދު އެންމެން މިވަނީ ހިތްހަމަނުޖެހިފައި ދޮގު ހަދާވަރުން. އިތުރު ކަމެއް ވެގެންނެއްނޫނޭ ދޮގު ހަދާވަރުން." ނަޝީދު ވިދާޅުވިއެވެ
ރައީސް ނަޝީދު އިތުރަށް ވިދާޅުވީ އެމްޑީޕީގެ މެނިފެސްޓޯގައި ވާނެކަންކަމުގެ ވާހަކަ ހުންނާނެކަމަށާއި އޭގެ އިތުރަށް ކަންކަން ކުރަން ފެށުމުން މެނިފެސްޓޯގައި ހުރި ކަންކަން ކުރާން ދަތިވާނެކަމަށެވެ.
އަދި މުޅި ރާއްޖޭ އަށް ތަރައްޤީ ނެވޭނީ ވަކި ޚާއްސަ ތަންތަނަކަށް ބަލައިގެން، އެތަންތަނާމެދު އެހެން ގޮތަކަށް ވިސްނައިގެންކަމަށް ރައީސް ނަޝީދު ފާހަގަކުރެއްވިއެވެ.
"މުޅި ރާއްޖޭގެ ތަރައްގީ ގެނެވެން އޮތީ ވަކި ހާއްސަ ތަންތަނަކަށް ބަލައިގެން އެތަންތަނާމެދު އެހެން ގޮތަކަށް ވިސްނައިގެން އެއްހަމަ ކުރުމަކީ ހުރިހާ ގަހެއް އެއްހަމައަށް ބުރިކޮށްލުމެއް ނޫން. އެއްހަމަ ކުރުމަކީ ބޮޑެތިގަސް ބަހައްޓާފައި އެގަސްގަހުގެ ހިޔަލުގައި ހެދޭނެ އެހެން ގަސް ހެއްދުން މިބޮޑެތި އާބާދީތަކާއި އެހެންތަންތަނާއި ގުޅުވައިގެން ވިޔަފާރީގެ ފުރުސަތު ބޮޑުކޮށް ރަނގަޅު އިގްތިސާދެއް ބިނާކޮށް" ނަޝީދު ވިދާޅުވިއެވެ
ރައީީސް ނަޝީދު ވިދާޅުވީ ރަނގަޅު ތަނަވަސްކަމެއް އަޅުގަނޑުމެން ހޯދުން މިމަސައްކަތް މިގޮތައް ނުހިނގާކަމުން އަޅުގަނޑުމެންގެ ތެރޭގައި އިންތިހާއަށް ކަންބޮޑުވުން އެބަހުރިކަމަށާއި އެމްޑީޕީގެ އެތައް މެމްބަރުންނަކާއި މަޖިލީހުގެ އެތައް މެމްބަރުނެއްގެ އިތުރުން ކައުންސިލަރުންވެސް ރައީސް އިބްރާޙިމް މުހައްމަދު ޞާލިހަށް ވޯޓު ނުދޭނެ ކަމަށް ބުނެފައިކަމަށެވެ.
