ރައީސް ޞާލިޙާ އެންމެ ފަހުން ވާހަކަ ދެކެވުނު އިރެއް ހަނދާނެއް ނެތް: އީވާ
އެންމެ ފަހުން ރައީސް އިބްރާހީމް މުޙައްމަދު ޞާލިޙާ ވާހަކަ ދެކެވުނު އިރެއް ހަނދާން ނެތް ކަމަށް ރައްޔިތުންގެ މަޖިލީހުގެ ނައިބު ރައީސް، އަދި ގަލޮޅު އުތުރު ދާއިރާގެ މެމްބަރު އީވާ ވިދާޅުވެއްޖެއެވެ.
"ސޯސަލް"އަށް ދެއްވި އިންޓަރވިޔުއެއްގައި، ރައީސް ޞާލިޙާ އެންމެ ފަހުން "ޕްރައިވެޓް" ކޮށް، ނުވަތަ "ޕަބްލިކް" ކޮށް ވިޔަސް، ވާހަކަ ދެކެވުނީ ކޮން އިރަކުންތޯ ސުވާލު ކުރެވުމުން، އީވާ ވިދާޅުވީ ރައީސް ޞާލިޙަކީ ރަޙްމަތްތެރިއަކަށްވުރެ ބޮޑަށް ތިމާގެ މީހެއް ކަމަށެވެ.
"އަޅުގަނޑުގެ އަބަދުވެސް މިޒާޖަކީ، އެއްވެސް މީހެއް ދެކެ ރުޅި އައިސްގެން، މާ ދިގުލައި ހުރެވޭ މީހެއް ނޫން އަޅުގަނޑަކީ. އެހެންވީމަ، ދެން ނޭނގެ ވާނެ ގޮތެއް. އަޅުގަނޑު މިއުޅެނީކީ ހަމަ ގައިމުވެސް ޒާތީ ކަމެއްގައެއް ނޫން."
އީވާ އިތުރަށް ވިދާޅުވީ ޢާއިލާ ބޭފުޅަކަށް ވިޔަސް، ރައީސް ޞާލިޙަކީ ސިޔާސީ ގޮތުން އެއްވެސް ވަރަކަށް ކަމުދާ ބޭފުޅެއް ނޫން ކަމަށެވެ. އަދި ރާއްޖޭގައި ވެރިކަން ކުރަންވެސް، އެމަނިކުފާނު ކަމު ނުދާ ކަމަށްވެސް ވިދާޅުވިއެވެ.
އެމްޑީޕީގެ ތެރޭގައި، ދެ ފެކްޝަނެއް އުފެދިފައިވާއިރު، މަޖިލީހުގެ ނައިބު ރައީސްއެއްގެ ގޮތުގައި މަސައްކަތް ކުރުމަކީ އުނދަގޫ ކަމެއްކަން ފާހަގަކުރައްވައި، އަންހެނަކަށް މިފަދަ ފަޚުރެއް ލިބުމަކީ އުފާ ކުރައްވާ ކަމެއް ކަމަށްވެސް އީވާ ވިދާޅުވިއެވެ.
މިއީވެސް ޚަބަރެއް ތަ؟