ވިކީ ބުނީ އޭނާ އަކީ "ޕާފެކްޓް ހަސްބަންޑެއް" ނޫންކަމަށް!
ބޮލީވުޑްގެ އެންމެ ފުރިހަމަ ޖޯޑުގެ ގޮތުގައި މަޝްހޫރު އެއްޖޯޑަކީ ވިކީ ކޯޝަލް އާއި ކެޓްރީނާ ކައިފެވެ. ވިކީ ދަނީ ހުރިހާ ތަނެއްގައި ހުރިހާ ވަގުތެއްގައިވެސް އޭނާގެ އަނބިމީހާ ދެކެ އޭނާ ވާ ލޯބި ހާމަކުރަމުންނެވެ.
ދާދިފަހުން ލައިފް ސްޓައިލް އޭޝިއާއަށް ދިން އިންޓަރވިއު އެއްގައި ވިކީ ބުނިގޮތުގައި އޭނާއަކީ އެއްވެސްގޮތަކުން "ފާފެކްޓް" ނުވަތަ ފުރިހަމަ މީހެއްނޫނެވެ.
"އަހަންނަކީ އެއްވެސް ގޮތަކުން ފުރިހަމަ މީހެއް ނޫން. ފިރިއެއްގެ ގޮތުގައިވެސް ދަރިއެއްގެ ގޮތުގައިވެސް ރައްޓެއްސެއްގެ ގޮތުގައިވެސް އަދި އެކްޓަރެއްގެ ގޮތުގައިވެސް. އަހަންނަށް ހީވަނީ އެއީ އަބަދުވެސް އޮންގޮއިން ޕްރޮސެސްއެއް ހެން. މިސާލަކަށް އަބަދުވެސް އެހިސާބަށް ދެވެން އުޅޭކަމުގެ އިހުސާސްވާނެ އެކަމަކު އެހިސާބަކަށް ނުއެއް ދެވޭ. އެކަމަކު އަހަރެން އަބަދުވެސް މަސައްކަތް ކުރަން އަހަންނަށް ވީ އެންމެ ރަނގަޅު ފިރިމީހާއަށް ވާން" ވިކީ ބުންޏެވެ.
ވިކީ އިތުރަށް ބުނި ގޮތުގައި އަބަދުވެސް އިއްޔެއަށްވުރެ މާދަމާ ރަނގަޅުކުރުމަށް އޭނާ މަސައްކަތް ކުރެއެވެ. އަދި އެކުގައި ހުންނާނެ މީހެއް ހުންނަނަމަ ގިނަ ކަންތައްތަކެއް ދަސްވާކަމަށާއި ކައިވެނި ނުކޮށް ހުރި އިރު ނޭނގޭ ކިތަންމެ ކަމެއް ކައިވެންޏަށްފަހު ދަސްވެފައިވާކަމަށެވެ.
އަނބިމީހާ ކެޓްރީނާ އަދި އާއިލާ ދެކެވާ ލޯބި ހާމަކުރަމުން ވިކީ ބުނީ އޭނާގެ ދިރިއުޅުން ދެކެއޭނާ ވަރަށް ލޯބިވާކަމަށާއި ފޭނުންގެ ލޯބި އޭނާއަށް ލިބޭ އެންމެ ބޮޑު ސަބަބަކީ އެއީކަމަށް ވެދާނެކަމަށްވެސް ވިކީ ބުންޏެވެ.
2021 ވަނަ އަހަރު ބޮލީވުޑްގެ ތަރި ކެޓްރީނާ ކައިފް އާއި ކައިވެނި ކުރި ވިކީ އަކީ އަބަދުވެސް ވަރަށް "ޕާފެކްޓް" ފިރިއެއްގެ ގޮތުގައި ފޭނުން ސިފަކުރަމުން އަންނަ މީހެކެވެ.
