ފެން ބޮއެގެން ބޮލުގެ ރިހުން ރަނގަޅުކުރެވިދާނެތަ؟
ވަރަށް ގިނައިން ދިމާވާ ކަމެކެވެ. ބޮލުގައި ރިހެޔޭ ނުވަތަ އެ ނޫން ވެސް ތަނަކަށް ތަދުވާ ވާހަކަ ބުނާއިރަށް މާ މަދުން ފެން ބޯތީއޭ ވަރަށް ގިނަ މީހުން ބުނާނެއެވެ. ހާއްސަކޮށް ބޮލުގައި ރިހޭނަމައެވެ. ނަމަވެސް ހަގީގަތުގައި ފެން ބޮއެގެން ބޮލުގެ ރިހުން ފަސޭހަ ކުރެވިދާނެބާވައެވެ؟
ފުރަތަމަ ކަމަކަށް ބޮލުގައި ރިހޭ ސަބަބު ދެނެގަތުން މުހިންމެވެ. ރާއްޖެ ފަދަ ހޫނު ގައުމުތަކުގައި ބޮލުގެ ރިހުން އެންމެ ގިނައިން ދިމާވެދާނެ ސަބަބަކީ ޑީހައިޑްރޭޝަން ނުވަތަ ފެން މަދުވުމެވެ. ގިނައިން އަތްވަށް ނިކުމެއުޅޭނަމަ މިފަދަ ބޮލުގެ ރިހުމެއް ދިމާވުމަކީ އެކަށީގެންވާ ކަމެކެވެ. މިފަދަ ބޮލުގެ ރިހުން އެންމެ ފަސޭހައިން ރަނގަޅު ވާނީ ގިނައިން ފެން ބޮއެގެންނެވެ. އެހެނީ މިހާލަތު ކުރިމަތި ވަނީ ހަށިގަނޑަށް ބޭނުންވާ ވަރަށް ފެން މަދުވުމުންނެވެ.
ޑީހައިޑްރޭޝަން ގެ އިތުރު އަލާމާތްތަކަށް ބަލާއިރު ބޯ އެނބުރުން، މާ ގިނައިން ކުޑަ ކަމުދާން ޖެހުން، ވަރުބަލި ވެ މާ ބޮޑަށް ކަރުހިއްކާ ގޮތްވެސް ދިމާވެއެވެ. އަދި ބައެއް ސީރިއަސް ހާލަތްތަކުގައި ގަދައަށް ހުން އައިސް ހެޔަށް އަސަރު ކުރާ ގޮތް ވެސް ދިމާވެއެވެ.
އެހެންކަމުން ބޮލުގައި ރިއްސާލާ ކޮންމެ ވަގުތެއްގައި ޕެނެޑޯލް ކެއުމުގެ ބަދަލުގައި ރަނގަޅަަށް ފެން ބޯން އާދަކުރާށެވެ.
Ads by STO
