ޝަހީދެއްގެ ހަށިގަނޑުން ބިމަށް ޖަހާ ލޭތިއްކަކީ ގައުމިއްޔަތު އުފެދި އާރާސްތު ކޮށްދޭ ގަހެއް: ޝާހިދު
ޝަހީދެއްގެ ހަށިގަނޑުން ބިމަށް ޖަހާ ލޭތިއްކަކީ ގައުމިއްޔަތު އުފެދި އާރާސްތު ކޮށްދޭ ގަހެއްކަމަށާއި ބިމުގައި އުފެދިގެންދާ ގައުމިއްޔަތު އެކުވެ އެކުލަވާލެވިގެންދާ މޫގަނޑެއް ކަމުގައި ފޮރިން މިނިސްޓަރ އަބްދުﷲ ޝާހިދު ވިދާޅުވެއްޖެއެވެ.
ރޭ ބ.ތުޅާދޫގައި ބޭއްވި މިއަހަރުގެ ޝަހީދުންގެ ދުވަހު ރަސްމީ ޖަލްސާގައި ވާހަކަފުޅު ދައްކަވަމުން މިނިސްޓަރ ވިދާޅުވީ އަޅުގަނޑުމެން ދަސްކުރަންވީ ދިވެހި ރައްޔިތަކަށްވީ ވީތީ ފަހުރުވެރި ވާން ކަމަށެވެ.
"ޝަހީދެއްގެ ހަށިގަނޑުން ބިމަށް ޖަހާ ލޭތިއްކަކީ ގައުމިއްޔަތު އުފެދި އާރާސްތު ކޮށްދޭ ގަހެއް. އަޅުގަނޑުމެންގެ މި ބިމުގައި އުފެދިގެންދާ ގައުމިއްޔަތު އެކުވެ އެކުލަވާލެވިގެންދާ މޫ ގަނޑެއް. އެމުލުން ފަޅާއެކިއެކި ގަސްތައް އެމޫގަނޑުން ފަޅާ ގަސްތައް އެކި ގަސްތައް އެކި ދިމާތަކުން އަޅުގަނޑުމެނަށް ފެންނަމުން މިދަނީ" މިނިސްޓަރ ޝާހިދު ވިދާޅުވިއެވެ.
މިނިސްޓަރ އިތުރަށް ވިދާޅުވީ ދަސްކުރަންވީ ދިވެހި ރައްޔިތަކަށްވީ ވީތީ ފަހުރުވެރި ވާންކަމަށާއި ދަސްކުރަންވީ ގައުމިއްޔަތުގައި ބިނާވެފައިމިވަނީ އެކަތިގަނޑަކަށް ވުމުގެ މައްޗައް ކަމަށެވެ. އަދި އަޅުގަނޑުމެން ދަސްކުރަންވީ މަތިވެރި އަބްޠާލުން އެދެއްކެވި މަތިވެރި މަގުން ކުރިއަށް ދިޔުމުގައި އެކަކު އަނެކަކަށް އިނގިލި ދިއްކުރުމުގެ ބަދަލުގައި އެކަކު އަނެކަކު އަތު ހިފައިގެން އަތު ގުޅާލައިގެން އެކަތި ގަނޑެއްގެ ގޮތުގައި ކުރިއަށް ދިޔުމަށްކަމަށެވެ.
ކަންނަށް ނޫރު ރާޖާގެ އެހީގައި ޤައުމު ހިންގާ ޝަހީދު !