ރިޒާގެ މައްޗަށް ޣައިބަށް ކުރެވޭ ކަށުނަމާދު ހުކުރު ނަމާދަށްފަހު އިސްލާމީ މަރުކަޒުގައި
ރައްޔިތުންގެ މަޖިލީހުގެ ގުރައިދޫ ދާއިރާގެ މެންބަރު އިބްރާހީމް ރިޒާގެ ކަށުނަމާދު މިއަދުގެ ހުކުރު ނަމާދަށްފަހު މާލޭ އިސްލާމީ މަރުކަޒުގައި އޮންނާނެއެވެ.
ރިޒާގެ ޖަނާޒާ މިއަދު ހެނދުނު ވަނީ މެލޭޝިއާގައި ބާއްވާފައެވެ. އަދި މިއަދު މެންދުރު ހުކުރު ނަމާދަށްފަހު، އިސްލާމީ މަރުކަޒުގައި ރިޒާގެ ޣައިބަށް ކުރެވޭ ކަށު ނަމާދު ބޭއްވުމަށް ވަނީ ނިމްމާފައެވެ.
ރިޒާ ނިޔާވެފައިވަނީ ކެންސަރު ބައްޔަށް ފަރުވާ ކުރަަމުން ދަނިކޮށް މިރޭގެ ވަގުތެއްގައި މެލޭޝިއާގައެވެ.
ރިޒާއަކީ ޕީޕީއެމްގެ ގޮޑީގައި އެ މަޤާމަށް އިންތިޚާބުވި ބޭފުޅެކެވެ. މިއީ ރިޒާ މަޖިލީހުގައި ތިންވަނަ ދައުރެވެ. އޭނާއަކީ މަޖިލީހުގައި ގިނަ ދުވަސްވީ މެންބަރުންގެ ތެރޭގައި ހިމެނިވަޑައިގަންނަވާ ބޭފުޅެކެވެ.
މާތް ﷲ އެމައްޔިތާގެ ފުރާނައަށް ހެޔޮ ރަޙްމަތް ލައްވަވައި ފާފަ ފުއްސަވައި ސުވަރުގޭގެ މަތިވެރި ނިޢުމަތް މިންވަރު ކޮށްދެއްވާށިއެވެ. އާމީން! އަދި މިހިތްދަތި ވަގުތުގައި ޢާއިލާއަށް ކެތްތެރިކަން ދެއްވާށިއެވެ. އާމީން!
إِنَّا لِلّهِ وَإِنَّـا إِلَيْهِ رَاجِعُون
