ނިޔާވެގެން ހޮސްޕިޓަލަށް ގެންދިޔަ ދިވެއްސަކު ކޮވިޑަށް ފައްސިވެއްޖެ

ނިޔާވެގެން ހޮސްޕިޓަލަށް ގެންދިޔަ ދިވެއްސަކު ކޮވިޑް-19 ފައްސިވެއްޖެއެވެ.

Ads by STELCO

މިރޭ އެޗްއީއޯސީން ބޭއްވި ނޫސްވެރިންގެ ބައްދަލްވުމުގައި އެ ސެންޓަރުގެ ތަރުޖަމާން ޑރ. ނަޒްލާ ރަފީގު ވިދާޅުވީ މިރޭ އައިޖީއެމް ހޮސްޕިޓަލަށް ގެނެވުނު ދުވަސްވީ މީހަކު މަރުވެފައިވާ ކަމަށެވެ. އޭނާ ހޮސްޕިޓަލަށް ގެނައިއިރުވެސް މަރުވެފައިވާ ކަމަށާ އޭނާ ޓެސްޓް ކުރުމުން ކޮވިޑަށް ފައްސިވެފައިވާ ކަމަށް ނަޒްލާ ވިދާޅުވިއެވެ.

"އުސޫލެއްގެ މަތިން މިގޮތަށް ގެނެވޭ ކޮންމެ މީހެއްވެސް ޓެސްޓް ކުރެވޭ. މިގޮތަށް ކުރެވުނު ޓެސްޓުން އޭނާ ވަނީ ފައްސި ވެފައި" ނަޒްލާ ވިދާޅުވިއެވެ.

އަދި އެމީހާ މަރުވީ ކޮވިޑްގެ ބަލީގައިތޯ ޔަގީން ކުރުމަށް މިހާރު މަސައްކަތް ކުރަމުންދާ ކަމަށްވެސް ނަޒްލާ ވިދާޅުވިއެވެ.

ރާއްޖެއިން މިހާތަނަށް ވަނީ ކޮވިޑްގައި 21 މީހަކު ނިޔާވެފައެވެ.