އާގަލާ ބޯޓުގައި ހުރި ތަކެތި އޮޔާދާތީ ސަމާލުވާން އެދިއްޖެ

އަލިފާން ރޯވެ އަޑިއަށް ގޮސްފައިވާ "އާގަލާ" ބޯޓުގައި ހުރި ތަކެތި އޮޔާދާތީ ސަމާލުވާން އެމްއެންޑީއެފް އިން އިލްތިމާސްކޮށްފިއެވެ.

Ads by Sosun Fihaara

އެމްއެންޑީއެފުން ވިދާޅުވީ "އާގަލާ" ބޯޓުގައި ރޯވެ އެނދުމުގެ ސަބަބުން އަޑިއަށް ގޮސްފައިވާ ކަމަށް ކޯސްޓްގާޑަށް މައުލޫމާތު ލިބިފައިވާ ކަމަށެވެ. އަދި މި ބޯޓު އަޑިއަށް ދިޔުމާއި ގުޅިގެން ބޯޓުން ފެންމައްޗަށް އެރި ބައެއް ތަކެތި އޮޔާދާކަމުގެ މައުލޫމާތު ލިބިފައިވާ ކަމަށް އެމްއެންޑީއެފުން ވިދާޅުވިއެވެ.

މި ތަކެތި އޮޔާދަނީ މ.އަތޮޅު ކައިރިން އުތުރަށް ކަމަށާއި އެ ސަރަހައްދުން ދަތުރުކުރާ ފަރާތްތަކުން މިކަމަށް ސަމާލުވުމަށް އެމްއެންޑީއެފުން ވަނީ އިލްތިމާސްކޮށްފައެވެ.