ފުލުހުންނާއި ސިފައިންގެ މުސާރަ ބޮޑުކުރަން ޖެހޭ: އާދަމް ޝަރީފު
ސަލާމަތީ ޚިދުމަތްތަކުގެ އެންމެ ވަރުގަދަ، އެންމެ މުހިންމު އެއްބާރަކީ ދިވެހި ސިފައިންނާއި ފުލުހުންކަމަށާއި އެމީހުންނަށް ކުރިއެރުންތަކެއް ހޯދައިދިނުމަށްޓަކައި މަސައްކަތްތަކެއް ކުރަން ޖެހޭ ކަމަށް ރައްޔިތުންގެ މަޖިލީހުގެ މަޑުއްވަރީ ދާއިރާގެ މެމްބަރު އާދަމް ޝަރީފު އުމަރު ވިދާޅުވެއްޖެއެވެ.
ރައްޔިތުންގެ މަޖިލީހުގެ މިއަދުގެ ޖަލްސާގައި ވާހަކަ ދައްކަވަމުން އާދަމް ޝަރީފު ވިދާޅުވީ ދިވެހި ސަލާމަތުގެ ހިދުމަތްތައް ވަރުގަދަ ކުރުމުގައި ވަރަށް ބޮޑަށް ވިސްނާ ފިކުރު ކުރަންޖެހޭ ކަމަށެވެ.
"ދިވެހި ސަލަމާތީ ހިދުމަތްކުރާ އެންމެ ވަރުގަދަ އެންމެ މުހިންމު އެއް ބާރަކީ އަދި އައްޑަނައެއް ކަމުގައި ބެލެވެނީ އިންސާނީ ވަސީލަތް އެއިންސާނީ ވަސީލަތުގެ ރޫހު ވަރުގަދަކޮށް އެމީހުންނަށް ކުރިއެރުންތަކެއް ހޯދައިދިނުމަށްޓަކައި އަޅުގަނޑު ދެކޭ ގޮތުގައި މިއަދު ސަލާމަތީ ޚިދުމަތްތައް ދިވެހި ސިފައިންނާއި ފުލުހުންގެ މުސާރާ އަޅުގަނޑު ހިތުން ސަރުކާރުން އެބަ ޖެހޭ ބޮޑުކުރަން" އާދަމް ޝަރީފު ވިދާޅުވިއެވެ.
މެމްބަރު އާދަމް ޝަރީފު ވިދާޅުވީ ސަލާމަތީ ޚިދުމަތްތަކަށް މީހުން ބޭނުންވެގެން އިއުލާނު ކުރުމުން މީގެކުރިން އެކަމަށް ލިބޭ ތަރުހީބު ނުލިބޭކަމަށާއި ރާއްޖޭގެ އިންފްލޭޝަން މައްޗައް ދާއިރު ފުލުހުންނާއި ސިފައިންގެ މުސާރަ ބޮޑު ކުރުމަކީ ވަރަށް މުހިންމު ކަމެއްކަމަށެވެ.
"މިއަދު ސަލާމަތީ ޚިދުމަތްތަކަށް މީހުން ބޭނުންވެގެން އިއުލާނު ކުރުމުން މީގެކުރިން އެކަންކަމަށް ބޭނުންވާ އަދަދަކަށް މީހުންނެ ނުލިބޭ" އާދަމް ޝަރީފު ވިދާޅުވިއެވެ.
އޭނާ އިތުރަށް ވިދާޅުވީ 241 ކޮމިޓީން ވެސް މިކަމާއި ގުޅޭ އިތުރު ދިރާސާތައް ހަދައި ދިވެހި ފުލުހުންނާއި ސިފައިންގެ މުސާރަ އެއްދުހުން އަނެއްދުވަހަށް ބޮޑުކުރެވޭނެ ގޮތެއް ކަނޑައަޅަން ޖެހޭކަމަށެވެ.
ކަލޯމެން ފަސްއަހަރު ތިކަހަލަވާހަކައެއް ނުދައްކާ މުދައްރިސުންގެ މުސާރަޔާ އަދި ނަރުހުންގެ މުސާރައަށްވެސް ހިޔޮބަދަލެއް ނުގެނެސް ދެންކޮން އަގައެއް ތިތަޅުވަނީ އޭރު ތިޔަ އަގަވަނީ ބަންދު ކޮށްފާދޯ
މީނަ ލަދެއް ނުގަނޭތަ ޑިފެންސް މިނިސްޓަރ އަކަށް ހުރެ އެމިހުން ބޭނުންކުރީ މުޅިންވެސް ރައްޔިތުންނަށް އަނިޔާ ކުރަން ފަޅާލީ ގައުމުގެ ބަޑިގުދަން ، އޭރު ލޯލަރިއެއްވެސް އިތުރު ނުކުރެވުނު މިއަދު އަނގަ ހުޅުވަން ލަދު ކޮބައި! ދަތްދޮޅި އާދަނު