ރައީސް ނަޝީދުގެ ފަރާތްޕުޅުން ސަޕޯޓަރުންނަށް މާހެފުމެއް
އެމްޑީޕީގެ ރައީސް މުޙައްމަދު ނަޝީދުގެ ފަރާތްޕުޅުން، އެ މަނިކުފާނުގެ ސަޕޯޓަރުންނަށް ޚާއްސަ މާހެފުމެއް ބާއްވަން ނިންމަވައިފިއެވެ.
މި މާހެފުން ބޭއްވުމަށް ހަމަޖެހިފައިވަނީ މާދަމާ ރޭ 08:15 ގައި ދޮންމަނިކް ސްކައިވިއުގައެވެ. މި މާހެފުމުގައި ބައިވެރިވާން ދައުވަތު އަރުވައިފައިވަނީ، ރައީސް ނަޝީދުގެ ފެކްޝަނުން ކުރިއަށް ގެންދަވާ "ފިކުރެއްގެ ދިރުން" ހަރަކާތުގެ ސަޕޯޓަރުންނަށެވެ.
ގެކުރިން އެމްޑީޕީގެ ރިޔާސީ އިންތިޚާބުގެ ޕްރައިމަރީއަށްފަހުވެސް ރައީސް ނަޝީދުވަނީ ސަޕޯޓަރުންނާއެކު ދޮންމަނިކު ސްކައިވިއުގައި ހަރަކާތެއް ކުރިއަށް ގެންދަވާފައެވެ.
މިދިޔަ ޖެނުއަރީ މަހުގެ 28 ވަނަ ދުވަހު ބޭއްވި އެމްޑީޕީގެ ރިޔާސީ ޕްރައިމަރީގައި ރައީީސް ނަޝީދަށް ލިބިވަޑައިގެންނެވި ނާކާމިޔާބީއަށް ފަހުގައި، އެ މަނިކުފާނުގެ ފެކްޝަނުން ގެންދަނީ، މިހާރު އޮތް އެމްޑީޕީގެ ސަރުކާރާ ދެކޮޅަށް މަސައްކަތް ކުރައްވަމުންނެވެ.
ރިޔާސީ އިންތިހާބަށް ރައީސް ނަޝީދު ޖޭޕީގެ ލީޑަރު ޤާސިމް އިބްރާހިމާ ގުޅިވަޑައިގަންނަވަން މަސައްކަތް ކުރައްވާ ކަމަށްވެސް ވަނީ އަޑު ފެތުރިފައެވެ.
ތިޔަ ތަނަށް ދާނީ ގިނަވެގެން ތިރީހަކަށް މީހުންނެވެ. ތިޔައީ މިހާރު ނޫހުން ޖާގަދޭ ވަރުގެ ބަޔެއް ނޫނެވެ. ފެއިލްވެފައި ތިބި ދެތިން ކެނައެވެ.