އިންސާފުވެރި އިންތިޚާބެއް ބޭއްވުމަށް، ރައީީސް ޔާމީނަށް ފުރުސަތު ދޭޭން ޖެހޭ: އާދަމް ޝަރީފު

އިންސާފުވެރި ރިޔާސީ އިންތިޚާބެއް ބޭއްވުމަށް، އިދިކޮޅު ލީޑަރު، ރައީީސް ޔާމީން އަބްދުލްޤައްޔޫމަށް ރިޔާސީ އިންތިޚާބުގައި ވާދަ ކުރެއްވުމުގެ ފުރުސަތު ދޭން ޖެހޭ ކަމަށް ރައްޔިތުންގެ މަޖިލީހުގެ މަޑުއްވަރި ދާއިރާގެ މެމްބަރު އާދަމް ޝަރީފު އުމަރު ވިދާޅުވެއްޖެއެވެ.

Ads by Hajj Corporation

ރައްޔިތުންގެ މަޖިލީހުގެ މިއަދުގެ ޖަލްސާގައި އިންތިޚާބުތަކާބެހޭ ޢާންމު ޤާނޫނަށް ހުށަހަޅާފައިވާ އިސްލާހަށް ވާހަކަ ދައްކަވަމުން އާދަމް ޝަރީފް ވިދާޅުވީ އިހްލާސްތެރި ނިޔަތެއްގައި އިންތިހާބު ބާއްވާ ވާހަކަ ސަރުކާރުން ދައްކާނަމަ، އިދިކޮޅު ކެންޑިޑޭޓަށް އިންތިހާބުގައި ވާދަކުރުމުގެ ފުރުސަތު ފަހިކޮށްދޭންޖެހޭ ކަމަށެވެ.

"ހަމަ މިވަގުތުން މިވަގުތަށް ރައީސް ޔާމީން މިނިވަންކުރުމަށް އަޅުގަނޑު ގޮވާލަން." އާދަމް ޝަރީފް ވިދާޅުވިއެވެ.

އާދަމް ޝަރީފް ވިދާޅުވީ ޤާނޫނުތަކަށް ހުށަހަޅާ އިސްލާހުތަކުން އިންސާފުވެރި އިންތިހާބެއް ބާއްވަން އުޅޭތަން ނުފެންނަކަމަށެވެ.

އޭނާގެ ވާހަކައިގައި، ސަރުކާރުން ޢަދުލުވެރި އިންސާފުވެރި އިންތިހާބެއް ބާއްވަން މަސައްކަތް ކުރާތަން ނުފެންނަކަން ފާހަގަކުރައްވައި، އޭގެ ބަދަލުގައި ފެންނަނީ އިދިކޮޅު ލީޑަރު އެއްފަރާތްކޮށްލުމަށް މަސައްކަތްކުރާތަން ކަމަށް ވިދާޅުވިއެވެ.

އަދި ވިދާޅުވީ، ރައްޔިތުންނަށް އޮޅުވައިލައި، ސަރުކާރުން ކޯލިޝަން ހަދަން މަސައްކަތްކުރަމުން އަންނަ ގޮތުން އެއްވެސް ވިސްނުމެއް ނެތްކަން ހާމަވާކަމަށެވެ.

މީގެއިތުރުން އާދަމް ޝަރީފް ވިދާޅުވީ ކުންފުނިތައް ބަނގުރޫޓޫވާ ވަރަށް ވަޒީފާތައް ދެމުން އަންނަ ކަމަށާއި މިކަންކަމަކީ އެއްވެސްކަހަލަ ބިނާކުރަނިވި އުފެއްދުންތެރި ނަތިޖާއެއް ނެރެވޭގޮތަށް ކުރަމުން އަންނަ ކަމެއް ނޫން ކަމަށެވެ.

ރައީސް ޔާމީން 11 އަހަރަށް ޖަލަށް ލުމަށް ކްރިިމިނަލް ކޯޓުން ޙުކުމް ކުރެއްވީ، މިދިޔަ އަހަރުގެ ޑިސެމްބަރު މަހުގެ 25 ވަނަ ދުވަހުއެވެ. އެ މަނިކުފާނަށް ރިޔާސީ އިންތިޚާބުގައި ވާދަ ކުރެއްވޭނީ، ޖަލު ޙުކުމުން މިނިވަންވެވަޑައިގަތުމުންނެވެ.