ފަރެސްމާތޮޑާ އެއަރޕޯޓް ރަސްމީކޮށް ހުޅުވަން ރައީސް ޞާލިޙް މާދަމާ އެރަށަށް!
އެމްޓީސީސީއާ ހަވާލުކޮށްގެން ތަރައްގީކުރި ގދ. ފަރެސްމާތޮޑާ އެއަރޕޯޓް ރަސްމީކޮށް ހުޅުވަން، ރައީސް އިބްރާހީމް މުޙައްމަދު ޞާލިޙް އެރަށް މާދަމާ ވަޑައިގަންނަވާ ގޮތަށް ހަމަޖެހިއްޖެއެވެ.
މާދަމާ އެއަރޕޯޓް ރަސްމީކޮށް ހުޅުވުމުގެ ގޮތުން ޚާއްސަ ހަފްލާއެއް އެރަށުގައި ބޭއްވުމަށް ވަނީ ނިންމާފައެވެ. އިއްޔެ ހަވީރު އެރަށަށް ވަނީ ޓެސްޓް ފްލައިޓްތައް ޖައްސާފައެވެ. ޤައުމީ އެއަރލައިނުން ބޭއްވި މި ޓެސްޓް ފްލައިޓްތަކުގައި ޕްލޭނިން މިނިސްޓަރު މުހައްމަދު އަސްލަމް ވެސް ބައިވެރިވެވަޑައިގެންނެވިއެވެ.
ފަރެސްމާތޮޑާ އެއަރޕޯޓާއެކު ގދގައި ޖުމްލަ ތިން އެއަރޕޯޓެއް އޮޕަރޭޓް ކުރާނެއެވެ.
ތަފާތު ޑިޒައިނަކަށް ޓާމިނަލް ހަދާފައިވާ ފަރެސްމާތޮޑާ އެއާޕޯޓަކީ 1،200 މީޓަރުގެ ރަންވޭގެ އެއާޕޯޓެކެވެ. އެމްޓީސީސީއާ ފަރެސްމާތޮޑާ އެއާޕޯޓް ހަވާލުކުރީ، 2021 ވަނަ އަހަރުގެ ކުރީކޮޅު 144.8 މިލިއަން ރުފިޔާއަށެވެ.
