އިމާރާތުން ވެއްޓި ރޭ ނިޔާވި އަންހެންމީހާގެ ޖަނާޒާ މިއަދު މެންދުރު ނަމާދަށްފަހު!
ރޭ ހެންވޭރު އިމާރާތަކުން ވެއްޓި މަރުވި އަންހެން މީހާގެ ޖަނާޒާ މިއަދު މެންދުރު ނަމާދަށް ފަހު ބާއްވާ ގޮތަށް ހަމަޖެހިއްޖެއެވެ.
"ކަށު ނަމާދު" ފޭސްބުކް ޕޭޖުގައި ބުނެފައިވާގޮތުން އެމީހާގެ ކަށުނަމާދު އޮންނާނީ މިއަދު މެންދުރު ނަމާދަށް ފަހު އާސަހަރާ މިސްކިތުގައެވެ. އިމާރާތުގެ މަތިން ވެއްޓި މަރުވެފައިވަނީ އުމުރުން 32 އަހަރުގެ އަންހެނެކެވެ.
ރޭ ނިޔާވި މިމީހާ ވެއްޓިފައި އޮއްވާ ފެންނަ ފޮޓޯތަކެއް ވަނީ ރޭ ޝޯޝަލް މީޑިއާގައި ދައުރުކޮށްފައެވެ. އެފޮޓޯތަކުން ފެންނަ ގޮތުގައި އެމީހާ ވެއްޓިފައި އޮތީ ބަނޑުންނެވެ. އަދި އެމީހާގެ މޫނު ޖެހުނުތާ ގިނަ އަދަދަކަށް ލޭ ހުރި އިރު ބައެއް މީޑީއާތަކުން ރިޕޯޓްކޮށްފައިވާގޮތުން އެމީހާގެ މޫނު އޮތީ ވަރަށް ބޮޑަށް ޗަސް ވެފައެވެ.
އެ އަންހެންމީހާ ވެއްޓުނު ކަމުގެ ރިޕޯޓު ފުލުހުންނަށް ލިބިފައިވަނީ، ރޭ 8:05 ހާއިރުއެވެ. އަދި އެމައްސަލަ ފުލުހުން ދަނީ ތަހުގީގު ކުރަމުންކަމަށް ފުލުހުން ވަނީ ބުނެފައެވެ.
