ސަރުކާރާ ރައްޔިތުންނަށް ގެއްލުންވާނެ އެއްވެސް ކަމެއް ކޮށްފައެއް ނުވާނެ: މާރިޔާ
ސަރުކާރަކަށް ނުވަތަ ރައްޔިތުންނަށް ގެއްލުންވާނެ އެއްވެސް ކަމެއް ކުރައްވައިފައި ނުވާނެ ކަމަށް ޑިފެންސް މިނިސްޓަރު މާރިޔާ އަޙްމަދު ދީދީ ވިދާޅުވެއްޖެއެވެ.
ރައްޔިތުންގެ މަޖިލީހުގެ މިއަދުގެ ޖަލްސާގައި ނައިފަރު ދާއިރާގެ މެމްބަރު އަޙްމަދު ޝިޔާމް ކުރެއްވި ސުވާލަކަށް ޖަވާބު ދެއްވަމުން، މާރިޔާ ވިދާޅުވީ، އެކަމަނާ ޤާނޫނާ ޚިލާފު ކަމެއް ނުކުރާ ކަމަށާއި ފެއިލްވި ކަމަށް ޤަބޫލު ނުކުރައްވާ ކަމަށެވެ.
ޑިފެންސް މިނިސްޓަރުގެ ހައިސިއްޔަތުން މެންބަރު ޝިޔާމްގެ ސުވާލުގައި ބުނާފަދަ ކަމެއް ނުކުރައްވާ ކަމަށް މާރިޔާ ވިދާޅުވިއެވެ.
"އަޅުގަނޑު ޤާނޫނާ ހިލާފު އެއްވެސް ކަމެއް ކޮށްފައެއްވެސް ނުވާނެ. ސަރުކާރަށް ނުވަތަ ރައްޔިތުންނަށް ގެއްލުމެއް ލިބިދާނެފަދަ އެއްވެސް ކަމެއް ކޮށްފައެއް ނުވާނެ." މިނިސްޓަރު މާރިޔާ ވިދާޅުވިއެވެ.
މީގެއިތުރުން، ޝިޔާމްގެ ސުވާލުގައި މިނިސްޓަރު ފެއިލްވި ކަމަށް ގަބޫލުކުރަންތޯ ސުވާލު ކޮށްފައިވުމުން މިނިސްޓަރު މާރިޔާ ވިދާޅުވީ ފެއިލްވި ކަމަކަށް ގަބޫލެއް ނުކުރާ ކަމަށެވެ. ނަމަވެސް އެއްވެސް ވަޒީރެއް ކުރާކަމެއް ނުވަތަ ނުކޮށް ދޫކޮށްލާކަމެއްގެ ސަބަބުން މެމްބަރަކަށް މިނިސްޓަރު ފެއިލް ވެފައިވާ ކަމަށް ޤަބޫލުކުރެވޭނަމަ އެ ވަޒީރަކާ ދޭތެރޭ ފިޔަވަޅުއެޅުމުގެ ފުރިހަމަ އިހްތިޔާރު ޤާނޫނާއި ޤާނޫނުއަސާސީން ލިބިގެންވާ ކަމަށެވެ.
އެހެންވީމާ ގެއްލުންވާނެ ކަމެއް ނުކުރާކަމަށް ބުނި ބުނުމުން ދޭހަވީ މާރިޔާ ނުކުރާކަން އެކަމު އިންޑިޔާ ސިފައިން ލައްވާ ކުރުވާކަމަށްތޯ؟؟
ކަމަނާ ފައިންޕުޅު އެރުއްވީ ކޯއްޗަކައްތަ؟ފައިވާނައްތަ؟ ނޫނީ ﷲގެ އިސްމުފުޅަޢްތަ؟