ފޭކު ސްލިޕެއް ފޮނުވައިގެން ވިޔަފާރި ކުރުމުން، ޖަލު ޙުކުމެއް

ފިހާރައަކުން ވިޔަފާރި ކުރުމަށްފަހު، ފޭކު ޓްރާންސްފާ ސްލިޕެއް ދެއްކި މީހަކު ދެ އަހަރާއި ހަތަރު މަހަށް ޖަލަށް ލުމަށް ކްރިމިނަލް ކޯޓުން މިއަދު ޙުކުމްކޮށްފިއެވެ.

Ads by Hajj Corporation

މި މައްސަލައިގައި ފޭކު ސްލިޕް ބޭނުންކޮށްގެން ވިޔަފާރި ކޮށްފައި ވަނީ "އިކްއިކްސް އެކްސްޕްރެސް" ކިޔާ ފިހާރައަކުންނެވެ.

އެ ފިހަރާއިން އޭނާ ފަސް ސޮސެޖު ޕެކެޓާއި ހަ ބޯންލެސް ޗިކެން ޕެކެޓު ނެގިއެވެ.

އެ މުދަލަށް އެރި ޖުމްލަ 530 ރުފިޔާ ނަގުދު ފައިސާއިން ދެއްކުމުގެ ބަދަލުގައި ޓްރާންސްފާ ކުރާނެ ކަމަށް ބުނެ ދައުވާ ލިބޭ މީހާ ދެއްކީ ފޭކު ސްލިޕެކެވެ. އެކަމަށް ޝަރީޢަތުގެ މަޖިލީހުގައި އެމީހާ ވަނީ އެއްބަސްވެފައެވެ.

ކްރިމިނަލް ކޯޓުން އޭނާގެ މައްޗަށް ކަނޑައެޅީ ދެ އަހަރާއި ހަތަރު މަހާއި 24 ދުވަހުގެ މުއްދަތަށް ޖަލަށްލުމަށެވެ.