މަޖިލީހަށް ހާޒިރުވަނީ ފަސްވަރަކަށް ހާސް އެމެރިކާ ޑޮލަރު ޚަރަދުކޮށްގެން، ފަންސާސް ހާސްޑޮލަރުގެ މުސާރައެއް ބޭނުން: ޖާބިރު
ރައްޔިތުންގެ މަޖިލީހުގެ ޖަލްސާއަށް ހާޒިރުވުމަށް ކޮންމެ ދުވަހަކު ފަސްހާސް އެމެރިކާ ޑޮލަރު ޚަރަދުކުރައްވާކަމަށާއި މަޖިލީހަށް އަންނަށް ފަންސާސް ހާސް ޑޮލަރުގެ މުސާރައެއް ބޭނުންވާކަމަށް ރައްޔިތުންގެ މަޖިލީހުގެ ކާށިދޫ ދާއިރާގެ މެމްބަރު އަބްދުﷲ ޖާބިރު ވިދާޅުވެއްޖެއެވެ.
ރައްޔިތުންގެ މަޖިލީހުގެ މިއަދުގެ ޖަލްސާގައި ވާހަކަ ދައްކަވަމުން ޖާބިރު ވިދާޅުވީ މެމްބަރުން މަޖިލީހަށް ނާންނަ ނަމަ ގޮނޑި ހުސްކުރަން ޖެހޭކަމަށެވެ.
"ވަރަށް ބޮޑު މައްސަލައެއް އަޅުގަނޑަށް ދިމާވެއްޖެ އަޅުގަނޑު ކޮންމެ ދުވަހަކު ފަސްވަރަކަށް ހާސް އެމެރިކާ ޑޮލަރު ޚަރަދުކޮށްގެން މިތަނަށް މިއަންނަނީ އަޅުގަނޑަށް ބޭނުންވޭ ފަންސާސްހާސް ޑޮލަރުގެ މުސާރަ މިހާރު މިތަނަށް އަންނަން ނާންނަ މީހުންގެ މުސާރަ އަޅުގަނޑުގެ އެކައުންޓަށް ޖަމާކުރަމުން ދާށޭ. ދެދުވަސް ގަޑިޖެހިގެން ނާންނަންޏާ މަޖިލިސް ގޮނޑި ހުސްކުރާށޭ. ބައި އިލެކްޝަންތައް ބޭއްވޭނެ ރައްޔިތުން ތައްޔާރަށޭ ތިބީ. މާ ފޫހިވެއްޖެހެން ހީވަނީ މިތަނަށް ލާފައި ތިބި މެމްބަރުން" ޖާބިރު ވިދާޅުވިއެވެ.
ޖާބިރު ވިދާޅުވީ މަޖިލީހަށް ވަޑާންކުރާ މީހުން ގެންގޮސް މަޖިލިސް އުސްކުރަން ޖެހޭކަމަށާއި މެމްބަރުންނަށް އިންނަ ޖާގަ ބޮޑުކުރަން ޖެހޭކަމަށެވެ.
އަދި އޭނާ ވިދާޅުވި ގޮތުގައި މެމްބަރުން ތިބެންޖެހެނޭނީ ވޯޓާރ ބަންގްލޯ ކަހަލަތަންތަނުގައި ކަމަށާއި ވާހަކަ ދައްކަން ތިބެންޖެހެނީ ބީޗުގައެވެ.
ޖާބިރު މަޖިލީހުގައި ދައްކަވާ މިފަދަ ވާހަަކައަަށް ގިނަ ބައެއްގެ ސަމާލުކަން ލިބެއެވެ.
