ކޮވިޑް ޖެހުނު 9 މީހަކަށް އައިސީޔޫގައި ފަރުވާދެނީ، 3 މީހަކު ވެންޓިލޭޓަރުގައި
ކޮވިޑް ޖެހުނު ނުވަ މީހަކަށް އައިސީޔޫގައި ފަރުވާދެމުން އަންނަ ކަމަށާއި ތިން މީހަކަށް ވެންޓިލޭޓަރުގައި ފަރުވާދެމުން އަންނަ ކަމަށް ހެލްތު އިމަޖެންސީ އޮޕަރޭޝަންސް ސެންޓަރުން ބުނެފިއެވެ.
ހެލްތް އިމްޖެންސީ އޮޕަރޭޝަން ސެންޓަރުގައި ރޭ ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަމުން ޑރ. އިބްރާހިމް އަފްޒަލް ވިދާޅުވީ، މިވަގުތު ހޮސްޕިޓަލުގައި އެޑްމިޓްކޮށް ފަރުވާ ދެމުންދާ މީހުންގެ އަދަދު 146 އަކަށް އަރާފައިވާ ކަމަށާއި އޭގެ ތެރެއިން 9 މީހަކަށް އައިސީޔޫގައި ފަރުވާ ދެމުންދާ ކަމަށައި އަދި އިތުރު 3 މީހަކަށް ވެންޓިލޭޓާގައި ފަރުވާ ދެމުންދާ ކަމަށެވެ.
ރާއްޖެއިން މިހާތަނަށް 5579 މީހަކު ކޮވިޑަށް ފައްސި ވެފައިވާއިރު ބަލިން ރަނގަޅުވެފައި ވަނީ 3208 އަށް ވަނީ އަރާފައެވެ. އެކްޓިވް ކޭސްތަކުގެ އަދަދު ވަނީ 2449 އަށް އިތުރު ވެފައެވެ.
މިހާތަނަށް އައިއިރު ރާއްޖެއިން މި ބަލި ޖެހިގެން 22 މީހަކު މަރުވެފައި ވެސް ވެއެވެ.
Ads by STO
