އޮޑިޓް ރިޕޯޓްތަކާ ގުޅިގެން ވަކި މީހަކަށް ބެލުމެއް ނެތި އަޅަންޖެހޭ ފިޔަވަޅުތައް އަޅާނެ: ސަރުކާރު
ކޮވިޑް-19 އާއި ގުޅިގެން ސަރުކާރުގެ އެކި އިދާރާތަކުން ކޮށްފައިވާ ހަރަދުތަކާއި ގުޅިގެން އޮޑިޓަރު ޖެނެރަލްގެ އޮފީހުން ކުރިއަށް ގެންދާ ކޮމްޕްލަޔަންސް އޮޑިޓް ރިޕޯޓްތަކާއި ގުޅިގެން އަޅަންޖެހޭ ފިޔަވަޅުތައް ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހް އަޅާނެ ކަމަށް ރައީސް އޮފީހުގެ ތަރުޖަމަނު އިބްރާހިމް ހޫދު ވިދާޅުވެއްޖެއެވެ.
ކޮވިޑް-19 އާ ގުޅިގެން ޓޫރިޒަމް މިނިސްޓްރީ އާއި ހެލްތު މިނިސްޓްރީންކޮށްފައިވާ ހަރަދުތައް އޮޑިޓްކުރުމަށް ފަހު އޮޑީޓާ ޖެނަރަލް އޮފީހުން ނެރުނު އޮޑިޓް ރިޕޯޓުތައް ނެރުމާއެކު އެ ދެ މިނިސްޓްރީއަށް ވަނީ ބޮޑެތި ފާޑުކިޔުންތަކެއް އަމާޒުވެފަ އެވެ.
އެކަމާއި ގުޅިގެން ތަރުޖަމާނު ހޫދު ކުރެއްވި ޓްވީޓުގައި ވިދާޅުވީ އެ ރިޕޯޓް ސަރުކާރަށް ރަސްމީކޮށް ލިބުމާއެކު އޭގައިވާ ކަންކަމަށް ރިއާޔަތްކުރުމަށް ފަހު ފިޔަވަޅު އަޅަން ޖެހޭ ފަރާތްތަކާއި މެދު ފިޔަވަޅު އެޅުމުގައި އެއްވެސް ފަސްޖެހުމެއް ނެތި ސަރުކާރުން ފިޔަވަޅު އަޅާނެ ކަމަށެވެ.
"އެ ރިޕޯޓްތަކާއި ގުޅިގެން ބަލަންޖެހޭ ކަންކަން ރައީސް އޮފީހުން ބައްލަވާނެ. އަދި ފިޔަވަޅު އަޅަންޖެހޭ ފަރާތްތަކާއިމެދު ފިޔަވަޅުވެސް އަޅާނެ. އެކަމުގެ ޔަގީންކަން ރައްޔިތުންނަށް އަރުވަން،" ހޫދު ވިދާޅުވިއެވެ.
މިއަދު ނެރުނު ހެލްތު މިނިސްޓްރީގެ ރިޕޯޓުން އެނގޭ ގޮތުގައި ވެންޓިލޭޓަރުތައް ގަންނަން ހަވާލުކުރުމުގައި ވެސް ބޮޑެތި މަކަރާއި ހީލަތްތަކެއް ހަދާފައިވެ އެވެ.
ދެން އަތްޖަހާ!!!