ދޮގު ބަޔާން ދިންކަން މުއިއްޒުގެ މައްޗަށް ސާބިތުނުވި
ދޮގު ބަޔާނެއް ދިން ކަމަށްބުނެ މާލެސިޓީގެ މޭޔަރު ޑރ. މުހައްމަދު މުއިއްޒުގެ މައްޗަށް ކްރިމިނަލް ކޯޓުގައި އުފުލި ދައުވާ ސާބިތުނުވާ ކަމަށް ހުކުމް ކޮށްފިއެވެ.
މި ދައުވާ މުއިއްޒުގެ މައްޗަށް އުފުލާފައިވަނީ 2019 ވަނަ އަހަރުގެ ޖޫން މަހުގެ 25 ވަނަ ދުވަހު ނޫމަޑި ރިސޯޓްސް އެންޑް ރެސިޑެންސަން އޭޖީ ނަމަކަށް ކިޔާ ކުންފުންޏަކުން (ނޫމަޑި) އިން ދިވެހި ސަރުކާރާ ދެކޮޅަށް ނެދަލޭންޑްސްގެ ދަހޭގްގައި ހުންނަ ޕާމަނަންޓް ކޯޓް އޮފް އާބިޓްރޭޝަންއަށް ހުށަހަޅާފައިވާ މައްސަލާގައި އެކުންފުނީގެ ހެކިވެރިއަކަށްވެ ދޮގު ބަޔާން ދޮގު ބަޔާނެއް ދެއްވާފައިވާތީއެވެ.
މި މައްސަލައިގައި ދައުލަތުން ތުހުމަތު ކުރަނީ އެއްބަސްވުން ބާތިލުކުރުމުގައި ސަރުކާރުން އަމަލުކުރީ ގޯސްކޮށް ކަމަށް މުއިއްޒު ސޮއިކުރައްވާފައިވާ 'ވިޓްނަސް ސްޓޭޓްމަންޓް' އެއް ދީފައިވާ ކަމަށެވެ.
މިމައްސަލައިގައި ހުކުމް ކުރުމަށް މިއަދު ބޭއްވި އަޑުއެހުމުގައި މައްސަލަ ބެއްލެވި ގާޒީ ސޮފްއަތު ހަބީބު ވިދާޅުވީ، އާބިޓްރޭޝަނަށް ބަޔާން ދިން މީހަކީ މުއިއްޒު ކަން ސާބިތު ކުރުމަކީ ދައުލަތުން ކުރަންޖެހޭނެކަމަށެވެ.
އަދި އެބަޔާނުގައި އޮތް ސޮޔަކީ މުއިއްޒުގެ ސޮއިކަން ސާބިތު ކުރަން ކުރެވުނު މަސައްކަތެއް ބުނެ ނުދެވޭކަމަށް ވިދާޅުވިއެވެ.
މާލޭސިޓީމޭޔަރ އަށް ގައުމަށް ހިދްމަތް ކުރައްވަން ލިބުނު ފުރުސަތެއް. އެހެން ނޫންނަމަ ކުޑައަށް ކަޑާލަން ޖެހެވަރު ކޮއްލީހީ .