ދާންދޫ ޕޮލިސް ސްޓޭޝަނުގެ ބެލުމުގެ ދަށުގައި ހުއްޓާ ފިލި މީހާ ހޯދައިފި

ގއ. ދާންދޫ ޕޮލިސް ސްޓޭޝަނުގެ ބެލުމުގެ ދަށުގައި ހުއްޓާ ފިލި މީހާ ފެނިފައިވާ ކަމަށް ފުލުހުން ވިދާޅުވެއްޖެއެވެ.

Ads by STELCO

މަސްތުވާތަކެތީގެ މައްސަލައެއްގައި ރޭ ގއ. ދާންދޫ ޕޮލިސް ސްޓޭޝަންއަށް ހާޒިރު ކޮށްފައި ހުރި މީހަކު، ފިލާފައިވާ ވަނީ ރޭ 12:57ހާއިރުއެވެ.

ފުލުހުން ދެންމެ ވިދާޅުވީ، ހޯދަމުން ދިޔައީ 49 އަހަރުގެ ދިވެހި ފިރިހެނެއް ކަމަށާއި މިހާރު އެމީހާ ހޯދާ ފުލުހުންގެ ބެލުމުގެ ދަށަށް ގެންގޮސްފައިވާ ކަމަށެވެ.

އެމީހާ ފުލުހުންގެ ބެލުމުގެ ދަށަށް ގެނައި ނަމަވެސް އެމީހާ ފެނިފައިވަނީ ކޮންތާނުން ކަމެއް ފުލުހުން ހާމަކޮށްފައެއް ނުވެއެވެ.