Tuesday, 17 November 2026
Advertisement
Ooredoo — Article-Top (leaderboard)
ސިޔާސީ

ރައީސް މައުމޫންގެ 30 އަހަރު މާ ރަނގަޅު ކަމަށް މިއަދު ގިނަ ބަޔަކު ގަބޫލުކުރޭ: ނާދިރާ

ރައީސް މައުމޫންގެ 30 އަހަރު މާ ރަނގަޅު ކަމަށް މިއަދު ގިނަ ބަޔަކު ގަބޫލުކުރޭ: ނާދިރާ

ރައީސް މައުމޫންގެ 30 އަހަރު މާ ރަނގަޅު ކަމަށް މިއަދު ގިނަ ބަޔަކު ގަބޫލުކުރާ ކަމަށް މޯލްޑިވްސް ރިފޯމް މޫވްމެންޓު (އެމްއާރްއެމް) ގެ ނައިބު ރައީސް އައިމިނަތު ނާދިރާ ވިދާޅުވެއްޖެއެވެ.

ޤާނޫނުގައި ބުނާ އަދަދަށް މެމްބަރުން ހަމަކުރުމަށް އެދި, ދެ ނޯޓިސް ދިނުމަށްފަހު އެ އަދަދަށް މެމްބަރުން ހަމަނުވުމުން އެ ޕާޓީ އުވައިލަން އިލެކްޝަން ކޮމިޝަނުން ނިންމުމާއި ގުޅިގެން އެމްއާރްއެމުން މިހާރު ބާއްވަމުންގެންދަވާ ނޫސްވެރިންގެ ބައްދަލުވުމުގައި ވާހަކަފުޅުދައްކަވަމުން ނާދިރާ ވިދާޅުވީ މިކަމަކީ ސިޔާސީ ގޮތުން ވަރަށް ކުރިން ފެށިގެން ރޭވިގެން ހިނގައިގެން އުޅޭ ކަމެއް ކަމަށެވެ.

އަދި އިލެކްޝަން ކޮމިޝަނަކީ މިނިވަން ތަނެއްގެ ގޮތުގައި މިހާރު ގަބޫލު ނުކުރެވޭ ކަމަށާއި މި މަންޒަރަކީ 2018 ވަނަ އަހަރުވެސް ފެނިގެންގޮސްފައިވާ މަންޒަރެއް ކަމަށް ނާދިރާ ވިދާޅުވިއެވެ. ނާދިރާ ވިދާާޅުވީ ރަނގަޅު ކުރަން ޖެހޭ ކަންތައްތައް ހުރި ނަމަވެސް އެއްވެސް ކަމެއް އިލެކްޝަން ކޮމިޝަނުން ރަނގަޅުކޮށްފައިނުވާ ކަމަށެވެ.

Advertisement
Allied Insurance — Square (box)

އަދި ޕާޓީ އުވާލުމަކުން ކުރާ މަސައްކަތަށް ކުޑަ ނަމަވެސް ބަދަލެއް ނާންނާނެ ކަމަށާއި 2018 ވަނަ އަހަރު ވެރިކަން ބަދަލުކުރީ ކަންތައްތައް ރަނގަޅު ކުރުމަށް ކަމަށް ނާދިރާ ވިދާޅުވިއެވެ. ނަމަވެސް އެ މަންޒަރު ފެނިގެންނުދާ ކަމަށް ނާދިރާ ވިދާޅުވިއެވެ.

"އެއީ ސިޔާސީ މަގުސަދެއްގަ ކުރި ކަމެއްކަން އަޅުގަނޑު ހަމަ ހަގީގަތުގަވެސް ގަބޫލުކުރަން. ސިޔާސީ ބޭނުންތަކެއް އެބަހުރި އޭގެ ތެރޭގަ. ގިނަ ބަޔަކު ގަބޫލުކުރޭ އާން އެއްކަލަ ރައީސް މައުމޫންގެ 30 އަހަރު މި ގެންދިޔަ ގޮތް މާ ރަނގަޅު ކަމަށް. ވަރަށް ގިނަ ބައެއްގެ ދުލުން ދައްކާ ވާހަކައެއް މިއީ" ނާދިރާ ވިދާޅުވިއެވެ.

ނާދިރާ ވިދާޅުވީ އެމްއާރްއެމުން ނިކުމެ ތިބީ ކަންތައްތައް އިސްލާހު ކުރުމަށް ކަމަށާއި ގިނަ މީހުންގެ މައްސަކަތާއި އެކުވެސް އެކަން ކުރާނެ ކަމަށް ނާދިރާ ވިދާޅުވިއެވެ.

ރިއެކްޝަން

Advertisement
Ooredoo — Truecaller (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.