ގާސިމްގެ މެސެޖެއް ޒުވާނުންނަށް: ހާސްކަނޑާލާ, ބޭނުންވާ ހުރިހާ ކަމެއް ހަމަޖެހިގެންދާނެ

ޖުމްހޫރީ ޕާޓީ (ޖޭޕީ) އިން އެންމެ އިސްކަންދޭ އެއް ބަޔަކީ ޒުވާނުން ކަމަށާއި ބޭނުންވާ ކަންތައްތައް ހަމަޖެހިގެންދާނެ ކަމަށް އެ ޕާޓީގެ ލީޑަރު ގާސިމް އިބްރާހީމް ވިދާޅުވެއްޖެއެވެ.
ރޭ އެ ޕާޓީން އިންތިޒާމްކޮށްގެން ހުޅުމާލޭ ސެންޓްރަލް ޕާކުގައި ބޭއްވި "ފުރަވީރުން" ޝޯގައި ވާހަކަފުޅުދައްކަވަމުން ގާސިމް ވިދާޅުވީ އަބަދުވެސް މަސައްކަތްކުރަނީ ގައުމުގެ ތަރައްގީއަށް ކަމަށެވެ. އަދި އަބަދު ވެސް ގައުމުގެ ޒުވަނުންނާއި ޅަކުދިންނާއި އެކީގައި މަސައްކަތް ކުރައްވާނެ ކަމަށް ގާސިމް ވިދާޅުވިއެވެ.
ގާސިމް އިތުރަށް ވިދާޅުވީ ޒުވާނުން ބޭނުންވާ ހުރިހާ ކަމެއް ވާނެ ކަމަށާއި އެމީހުންގެ އުންމީދުތައް ހަގީގަތަކަށް ހަދައިދެއްވާނެ ކަމަށެވެ. “ތިބޭފުޅުން ހާސްކަނޑާލާށޭ، ބޭނުންވާ ހުރިހާ ކަމެއް ހަމަޖެހިގެންދާނެ،" ގާސިމް ވިދާޅުވިއެވެ.
ރޭގެ އިވެންޓުގައި 2023 މެންބަރުންގެ ފޯމް ގާސިމްއާ ވަނީ ހަވާލުކޮށްފައެވެ. މި ހަރަކާތުގައި މިއުޒިކްގެ ތަފާތު އެކި ހަރަކާތްތައް ކުރިއަށް ގެންދިޔައިރު ހަވާ އެރުވުން ވެސް އޮތެވެ.




.jpg)
.jpeg)

ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.