އޮޑިޓް ރިޕޯޓު ކިޔައިފިން، މިއީ ކަންކަން ހިނގަންވީ ގޮތެއް ނޫން: ނަޝީދު
ކޮވިޑް-19އާ ހެލްތު މިނިސްޓްރީ އާއި ޓުއަރިޒަމް މިނިސްޓްރީ ހަރަދުކޮށްފައިވާ ގޮތުގެ އޮޑިޓަ ޖެނެރަލް ހަސަން ޒިޔަތުގެ ޚާއްސަ އޮޑިޓު ރިޕޯޓު ކިޔުއްވާފައިވާ ކަމަށާއި މިއީ ކަންކަން ހިނގަންވީ ރަނގަޅު ގޮތް ނޫން ކަމަށް ރައްޔިތުންގެ މަޖިލީހުގެ ރައީސް، މުހައްމަދު ނަޝީދު ވިދާޅުވެއްޖެއެވެ.
މިއަދުގެ މަޖިލީހުގެ ޖަލްސާ ފައްޓަވަމުން ނަޝީދު ވިދާޅުވީ ރޭގެ ވަގުތެއްގައި މި އޮޑިޓް ރިޕޯޓު ކިޔުއްވާފައިވާ ކަމަށާއި މެމްބަރުން ވެސް އެކަން ގޮތަށް ކުރައްވާނެ ކަމަށް އުއްމީދުކުރައްވާ ކަމަށެވެ.
"މިއީކީއެއް އަޅުގަނޑު ހިތުން ކަންކަން ހިނގަންވީ ރަނގަޅު ގޮތް ކަމަކަށް އަޅުގަނޑުމެންގެ ތެރޭގައި ފާހަގައެއް ނުވާނެ" ނަޝީދު ވިދާޅުވިއެވެ.
ހެލްތު މިނިސްޓްރީއިން ކޮވިޑް-19 ގެ ބަލިމީހުންނަށް ފަރުވާ ދިނުމަށް 75 ވެންޓިލޭޓަރު ގެނައުމަށް ހަވާލުކުރި ދުބާއީގެ ކުންފުނި އެގްޒެކިއުޓާޒް ޖެނެރަލް ޓްރޭޑިންގް އަކީ ދުނިޔޭގެ ސިއްހަތު ޖަމިއްޔާ (ޑަބްލިއުއެޗްއޯ) އިން ލަފާ ދީގެން ހަވާލުކުރި ކުންފުންޏެއް ނޫންކަމަށް އޮޑިޓާ ޖެނެރަލް އޮފީހުން ނެރުނު ރިޕޯޓުގައި ވަނީ ބުނެފަ އެވެ. އަދި އެކަމުގައި ދޮގާއި މަކަރު ހަދާފައިވާކަން އެ ރިޕޯޓުން ފާހަގަވެ އެވެ.
ސަރުކާރުން ބުނެފައިވަނީ ވެންޓިލޭޓަރު ގަތުމުގައި އޮޅުވާލައި ދޮގު ހެދި ކަމަށް ބުނެ އޮޑިޓް އޮފީހުން ނެރުނު ރިޕޯޓާއި ގުޅިގެން އެކަމުގައި ބައިވެރިވާ އެންމެނަށް ފިޔަވަޅު އަޅާނެ ކަމަށެވެ. އެމައްސަލާގައި މަޖިލީހުގެ މާލިއްޔަތު ކޮމިޓީގެ ބައްދަލުވުމެއް ބާއްވާ އެ އޮޑިޓްތަކުން ފާހަގަވި ކަންކަން ބަލާނެ ކަމަށް އެ ކޮމިޓީގެ މުގައްރިރުވެސް ވަނީ ވިދާޅުވެފަ އެވެ.
ހުރިހާ ކުދިން ބަހާލައިގެން މިލިއަނުން މިލިއަނުން ފައިސާ ގަނޑު މަޅާލީ. ތިޔަކަމުގައި ހެލްތު، ފިނޭންސް، ރައީސް އޮފީހުގެ ޖީބަށް ފައިސާތައް އަޅާލީ. ވަގުތަކުން އަލިފާނެއް ނާރާނެ ވިއްޔަ. އަދީބެއް، ޔާމީނެއް ކިޔާނެ ކަމެއް ނެތް. ކުރަނީ އެއް ކަމެއް. ވައްކަން. ވައްކަން. ވައްކަން