އައްޑޫ އިންޓަރނޭޝަނަލް އެއަރޕޯޓްގެ ބޯޑު މެމްބަރުކަމަށް ޝަޒުރާ!
އައްޑޫ އިންޓަރނޭޝަނަލް އެއަރޕޯޓް ޕްރައިވެޓް ލިމިޓެޑުގެ ޑިރެކްޓަރުންގެ ބޯޑުގެ މެންބަރުކަމުގެ މަޤާމަށް، ސ.ފޭދޫ މޫންލައިޓް، ޝަޒުރާ ޝާކިރު ހަމަޖައްސައިފިއެވެ.
ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑު (ޕީސީބީ) އިން މަޢުލޫމާތު ދެއްވި ގޮތުގައި ޝަޒުރާއަށް މި މަޤާމުގެ ލިޔުން ހަވާލު ކޮށްދެއްވާފައިވަނީ އެބޯޑުގެ ރައީސް އާޞިމް މުޙައްމަދެވެ.
ޝަޒުރާ ވަނީ މާސްޓާރ އޮފް ބިޒްނަސް އެޑްމިނިސްޓްރޭޝަން ހާސިލު ކުރައްވައިފައެވެ. ޝަޒުރާ މީގެ ކުރިން އަދާ ކުރެއްވި ވަޒީފާތަކުގެ ތެރޭގައި މޮރިޝަސް ކޮމާޝަލް ބޭންކް ޕްރައިވެޓް ލިމިޓެޑްގެ އެޗް އާރް ރިޕްރެޒެންޓޭޓިވްގެ މަގާމާއި އައިލެންޑް އޭވިއޭޝަން ސަރވިސަސް ލިމިޓެޑްގެ މެނޭޖަރގެ މަގާމުވެސް އަދާކުރައްވާއެވެ.
އަދި އޭނާ މިހާރު އަދާކުރަމުން ގެންދާ ވަޒީފާއަކީ އެފް.ޖޭ.އެސް ކޮންސަލްޓިންގ ޕްރައިވެޓް ލިމިޓެޑްގެ ޑެޕިއުޓީ ޕްރޮޖެކްޓް މެނޭޖަރުގެ މަޤާމެވެ.
