Tuesday, 17 November 2026
Advertisement
Allied Insurance (leaderboard)
އެމެރިކާ

އެއާފޯސް އެކަޑަމީގެ ދަސްވެނިވުމުގެ ރަސްމިއްޔާތެއްގައި ބައިޑަން ސްޓޭޖަށް ވެއްޓިވަޑައިގެންފި

އެއާފޯސް އެކަޑަމީގެ ދަސްވެނިވުމުގެ ރަސްމިއްޔާތެއްގައި ބައިޑަން ސްޓޭޖަށް ވެއްޓިވަޑައިގެންފި

އެމެރިކާގެ ކޮލޮރާޑޯގައި ހުންނަ ޔޫއެސް އެއާފޯސް އެކަޑަމީގެ ދަސްވެނިވުމުގެ ރަސްމިއްޔާތެއްގައި ޑިޕްލޮމާ ހަވާލުކުރަމުން ދަނިކޮށް އެމެރިކާގެ ރައީސް ޖޯ ބައިޑަން ސްޓޭޖް މައްޗައް ވެއްޓިވަޑައިގެންފިއެވެ.

ރިޕޯޓްތައް ބުނާގޮތުން ރައީސް ބައިޑެން ވެއްޓިވަޑައިގެންނެވީ ސްޓޭޖް މަތީގައި ހުރި ވެލި ބަސްތާއެއްގައި ޖެހުމުގެ ސަބަބުންނެވެ. އިއްޔެ ހިނގި މިހާދިސާގައި އެމަނިކުފާނަށް އެއްވެސް އަނިޔާއެއް ވެފައިނުވާކަމަށާއި އެމަނިކުފާނުގެ ހާލުކޮޅު ރަނގަޅުކަމަށް ވައިޓް ހައުސްއިން ވަނީ ބުނެފައެވެ.

ވައިޓް ހައުސްގެ ކޮމިއުނިކޭޝަން ޑިރެކްޓަރު ވިދާޅުވެފައިވާގޮތުގައި ދަސްވެނިވި ދަރިވަރުންނާއި އެމަނިކުފާނު ސަލާމް ކުރައްވަމުން ވަޑައިގެންނެވި އިރު ސްޓޭޖް މަތީގައި ކަޅުކުލައިގެ ވެލި ބަސްތާތަކެއް ހުއްޓެވެ. އަދި އެމަނިކުފާނު ވެއްޓުމާއެކު އޮފިސަރުންވަނީ ވަގުތުން އެމަނިކުފާނަށް އެހީތެރިކަން ފޯރުކޮށްދީފައެވެ.

Advertisement
HDC — Sidebar (box)

"އައި ގޮޓް އަ ސޭންޑް ބޭގް " އެދުވަހު ހަވީރު ވައިޓް ހައުސްއަށް ވަޑައިގަތުމަށްފަހު ހިނިތުންވެވަޑައިގެން ނޫސްވެރިންނާ ބައްދަލުކުރައްވާ ހުންނެވި ރައީސް ބައިޑެން ވިދާޅުވިއެވެ.

އުމުރުފުޅުން 80 އަހަރުގައި އެ ގައުމުގެ އެންމެ ދުވަސްވީ ރައީސްގެ ލަގަބު ލިބިވަޑައިގެން ހުންނެވި ރައީސް ބައިޑަން ވަނީ ދަސްވެނިވި 921 ކެޑޭޓުންގެ ތެރެއިން ކޮންމެ ކެޑޭޓަކާ ސަލާމް ކުރައްވަން ގާތްގަނޑަކަށް ދޮޅު ގަޑިއިރު ވަންދެން ކޮޅަށް ހުންނަވާފައިކަމަށް ރިޕޯޓްތައް ބުނެއެވެ.

ރިއެކްޝަން

Advertisement
Ooredoo — Truecaller (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.