ރައީސް ނަޝީދު މަޖިލިސް ރައީސްކަމުން ދުރުކުރަން 53 މެންބަރުންގެ ސޮއި ހޯދައިފި
ރައްޔިތުންގެ މަޖިލީހުގެ ރައީސްގެ މަޤާމުން، ރައީސް މުޙައްމަދު ނަޝީދު ދުރުކުރަން މަޖިލީހަށް ހުށަހަޅާ ލިޔުމުގައި 53 މެންބަރަަކު ސޮއި ކުރައްވައިފިއެވެ.
މަޖިލީހުގެ ރައީސް ކަމުން މުޙައްމަދު ނަޝީދު ވަކި ކުރަން ނިންމާފައިވާކަން ހާމަކޮށްފައިވަނީ މިއަދު މެންދުރު އެމްޑީޕީން ބޭއްވި ނޫސްވެރިންގެ ބައްދަލުވުމެއްގައެވެ. މިހާތަނަށް 53 މެބްރަކު ސޮއިކުރައްވާފައިވާ ކަަމަށް މަޖިލީގުގެ މީދޫ ދާއިރާގެ މެންބަރު ރޮޒައިނާ އާދަމް ވަނީ ވިދާޅުވެފައެވެ.
ރައްޔިތުންގެ މަޖިލީހުގައި އެމްޑީޕީއަށް ނިސްބަތްވާ މިހާރު ތިބެނީ 56 މެމްބަރުންނެވެ. އޭގެ ތެރެއިން މިއަދުގެ ރައީސް ނަޝީދުގެ އިތުބާރު ނެތް ކަަމުގެ މައްސަލަަ މަޖިލީހަށް ވައްދަން ނިންމަން ބޭއްވި ޕީޖީ ބައްދަލުވުމުގައި ބައިވެރިވީ 42 މެމްބަރުންނެވެ. ރައީސް ނަޝީދުގެ އިތުބާރު ނެތްކަމަށް ހުށަހަޅަން ފާސްވީ 36 މެމްބަރުންގެ ވޯޓާއިއެކުއެވެ.
ރައީސް ނަޝީދު ދުރުކުރަން އެމްޑީޕީގެ އިތުރުން އަމިއްލަ މެންބަރުންނާއި, އެހެން ޕާޓީތަކުގެ މެންބަރުން ވެސް ސޮއި ކުރަމުން އަންނަ ކަަމަށް މައުލޫމާތު ލިބެއެވެ.
ނަޝީދު ގެންނައި ބަރުލަމާނީ ނިޒާމުން ފުރަތަމަ ބޮނޑި މިލިބުނީ މަނިކުފާނަށް މަނިކުފާނު މިޖެހުނީ ގޮޑިން ފައިބާން، ބަރުލަމާނީ ނިޒާމުގައި މަޖިލިސް ހަމައިން ނެއްޓުނީމާ ރައީސުލް ޖުމުހޫރިއްޔާ މަޖިލިސް އުވާލާނެ މިއަދު މިއޮތީ އުވާލަން ޖެހިފައި ! ދެން އަލުން މަޖިލިސް އެކުލަވާލާނީ !
އަނގަ އޮތީތީ ހާވައިގަންނާތި އަދިވެސް ތިމާވަރުގެ މީހަކު ނެތިގެން ތިމަންނާއެއް މިތަނަކުން ނުބޭލޭނޭ ކިޔާފަ..މިފަހަރު ލައިގެން ހުރި ސޯޓުގަނޑު ނުބާލައިފިއްޔާ ރަނގަޅު!