ރައީސް ނަޝީދަށް ރިޔާސަތާ ޙަވާލުނުވެ ހުންނެވޭނީ، ތިން ޖަލްސާއެއްގައި: ރޮޒައިނާ
ރައްޔިތުންގެ މަޖިލީހުގެ ރައީސް މުޙައްމަދު ނަޝީދަށް ބައިވެރިނުވެ ހުންނެވޭނީ މަޖިލީހުގެ ތިން ޖަލްސާއެއްގައި ކަމަށް މަޖިލީހުގެ ކައުންސެލާ ޖެނަރަލް ފާތިމަތު ފިލްޒާއާއި ހަވާލާދެއްވައި، އެމްޑީޕީ ޕާލިމެންޓަރީ ގްރޫޕްގެ ޑެޕިއުޓީ ލީޑަރު އަދި މަޖިލީހުގެ އައްޑޫ މީދޫ ދާއިރާގެ މެންބަރު ރޮޒެއިނާ އާދަމް ވިދާޅުވެއްޖެއެވެ.
މަޖިލީހުގެ ކޮމިޓީތައް އެކުލަވާ ނުލައި އޮތުމާއި މެންބަރުން ހުށަހަޅާފައިވާ އިތުބާރު ނެތް ކަމުގެ މައްސަލަތައް ހުއްޓިފައި އޮތް މައްސަލާގައި އެމްޑީޕީގެ ޕީޖީން މިއަދު ވަނީ ފިލްޒާގެ އިތުރުން އަމީން އާއްމު ފާތިމަތު ނިއުޝާއާ ބައްދަލު ކުރައްވައިފައެވެ.
މިކަމާ ގުޅޭގޮތުން ރޮޒެއިނާ ވިދާޅުވި ގޮތުގައި، ރައީީސް ނަޝީދުގެ އިތުބާރު ނެތް ކަމުގެ މައްސަލައިގެ ނޯޓިސް މުއްދަތު ނިމެންދެން ރިޔާސަތުގައި ނީންނެވުމުގެ އިޙްތިޔާރެއް އެމަނިކުފާނަށް ލިބިވަޑައިނުގަންނަވާނެއެވެ.
އަދިބއެންމެ ގިނަ ވެގެން އެގޮތަށް ހުންނެވޭނީ ތިން ޖަލްސާ އަށް ކަމަށް ވެސް ރޮޒައިނާ ވަނީ ވިދާޅުވެފައެވެ.
"ރިޔާސަތުގައި ނީންދެވޭނެ ކަމަށް މި ބުނަނީ އުޒުރުވެރިވެގެން ވެސް ތިން ދުވަސް. އެއަށް ވުރެ ދިގު މުއްދަތަކަށް ރިޔާސަތުގައި އިނުން އުޒުރުވެރިވެއްޖެ އޭ ވިދާޅުވެ ފޮނުވި ސިޓީއަކީ ޕާލިމެންޓުގެ އުސޫލުތަކާ ޚިލާފުވާ އަދި އިމްތިޔާޒަށް އަރައިގަންނަ މައްސަލައެއްގެ ގޮތުގައި ކައުންސިލާ ޖެނަރަލް ފާހަގަ ކުރެއްވީ،" ރޮޒެއިނާ ވިދާޅުވިއެވެ.
މަޖިލީހުގެ ނައިބު ރައީސް އީވާގެ އިތުބާރު ނެތް މައްސަލަ އެޖެންޑާ ކުރުމަށް އެމްޑީޕީން އެދެމުން ދިޔަ ދަނޑިވަޅުގައި، ރައީީސް ނަޝީދު މަޖިލީހުގެ އިދާރާ އަށް ފޮނުއްވި އެ ސިޓީފުޅުގައި އެމަނިކުފާނު ރިޔާސަތުގައި އިންނަވަން އުޒުރުވެރިވެވަޑައިގަންނަވާކަން ވަނީ ހާމަކުރައްވައިފައެވެ.
ކަމަނާ ބޭނުންވެގެންނެނު ރައީސް ނަޝީދު ރިޔާސަތު ދޫކޮށްލީ ރނަޝީދު އާ ޖެހިގަނެގެން ކ މެން ވާނީ މޮޔަ.