މަޤާމު ދިފާޢު ކުރުމަށް، މުޅި މަޖިލިސް ހައިޖެކް ކޮށްފި: ރޮޒައިނާ
ރައްޔިތުންގެ މަޖިލީހުގެ ގިނަ މެމްބަރުންގެ އިތުބާރު ނެތް، މަޖިލީހުގެ ރައީސާއި މަޖިލީހުގެ ނައިބު ރައީސް މަޤާމު ދިފާޢު ކުރަން މުޅި މަޖިލިސް "ހައިޖެކް" ކޮށްފައިވާ ކަމަށް، ރައްޔިތުންގެ މަޖިލީހުގެ އައްޑޫ މީދޫ ދާއިރާގެ މެމްބަރު ރޮޒެއިނާ އާދަމް މިއަދު ވިދާޅުވެއްޖެއެވެ.
ރޮޒެއިނާ މިއަދު ކުރެއްވި ޓްވީޓެއްގައި ވިދާޅުވީ އެ ދެ ބޭފުޅުންގެ އިތުބާރު ނެތް ކަމަށް ބުނެ މައްސަލަ ހުށަހެޅުމުން ވެސް އިސްތިއުފާ ނުދެއްވައި، މަޤާމު ދިފާއު ކުރައްވަން މަޖިލިސް ހައިޖެކް ކޮށްފައިވާ ކަމަށެވެ.
"އިތުބާރު ނެތް ރައީސް އަކާއި ނައިބު ރައީސެއް މަޤާމުގައި ބަގުޑި ބައްދައިގެން މަޖިލިސް ހައިޖެކް ކޮށްފި. އިސްތިއުފާ ނުދެއްވާ. އެކަމަކު ރިޔާސަތަށް އަރަން އުޒުރުވެރިވޭ،" ރޮޒެއިނާ ވިދާޅުވިއެވެ.
މަޖިލީހުގެ މިއަދުގެ ޖަލްސާ ނުބޭއްވޭނެ ކަމަށް އަމީން އާންމު ފާތިމަތު ނިއުޝާ ހާމަ ކުރެއްވީ މަޖިލީހުގެ ޤަވާއިދުގެ 205 ވަނަ މާއްދާގެ (ބ) ގައިވާ ގޮތުން މަޖިލީހުގެ ނައިބު ރައީސް މަޤާމުން ވަކި ކުރާއިރު، ޖަލްސާގެ ރިޔާސަތު ބަލަހައްޓަވަން ޖެހޭނީ ރައީސް ނަޝީދު ކަމަށް ވިދާޅުވަމުންނެވެ.
Ads by STO
