ރިޔާސަތާއި ހަވާލުނުވެ، ރައީސް ނަޝީދު ކުޑަދަށުގައި

ރިޔާސަތާއި ހަވާލުނުވެ، ރައްޔިތުންގެ މަޖިލީހުގެ ރައީސް މުހައްމަދު ނަޝީދު އެމަނިކުފާނުގެ އަރިސް މެމްބަރުންނާއި އެކު މަޖިލީހުގައި ހުންނެވި ފޮޓޯތައް އާއްމުވެއްޖެއެވެ.

Ads by STELCO

މިއަދުގެ ޖަލްސާގެ ރިޔާސަތާއި ހަވާލުވާނެ ބޭފުޅެއް ނެތުމުގެ ސަބަބުން، ޖަލްސާ ވަނީ ނިންމާލާފައެވެ. އެމްޑީޕީގެ މެމްބަރުން ވިދާޅުވީ، އެހެން ދުވަހެކޭ ވެސް އެއްގޮތަށް ރައީސް ނަޝީދު މިއަދު ވެސް 08:45 ގައި މަޖިލީހަށް ވަޑައިގަތް ކަމަށެވެ.

މަޖިލީހުގެ މިއަދުގެ ޖަލްސާ ކުރިއަށް ނުގެންދެވުނީ ރައީސް ނަޝީދު މަޖިލީހުގެ ރިޔާސަތު ބެލެހެއްޓެވުމަށް އުޒުރުވެރި ވުމުންނެވެ.

މިކަމާއި ގުޅިގެން ފޭދޫ ދާއިރާގެ މެންބަރު މުހައްމަދު ނިހާދު ކުރެއްވި ޓްވީޓެއްގައި ވިދާޅުވީ ރައީސް ނަޝީދު އިންނެވީ މަޖިލިސްގައި ކުޑަދޮށުގައި ކަމަށެވެ. ނިހާދު ވިދާޅުވީ ދައުލަތުގެ އެންމެ ބޮޑު އެއް މުއައްސަސާ ހުއްޓުވުމަކީ ބޮޑު ޤާނޫނީ ކުށެއް ކަމަށެވެ.

މަޖިލީހުގައި ހުންނަ ކުޑަ ދަށުގައި ރައީސް ނަޝީދާއި އެކު، އެމަނިކުފާނުގެ އަރިސް މެމްބަރުން ތިއްބެވިއެވެ. އޭގެ ތެރޭގައި މަޖިލީހުގެ ނައިބު ރައީސް، އިވާ އާއި އެމަނިކުފާނަށް ތާއީދު ކުރާ އެ ފެކްޝަނުގެ މަޖިލީސް ހުރިހާ މެމްބަރުން ތިއްބެވެ.