ޢީދު ބަންދަށްފަހު ރައީސް ޞާލިޙް ކެމްޕެއިނަށް އަތޮޅުތަކަށް ވަޑައިގަންނަވަނީ
އަންނަ ސެޕްޓެމްބަރު މަހު ބާއްވާ ރިޔާސީ އިންތިޚާބުގައި ވެރިކަން ކުރާ މައި ޕާޓީ އެމް.ޑީ.ޕީގެ ފަރާތުން ވާދަކުރައްވާ އެޕާޓީގެ ރިޔާސީ ކެނޑިޑޭޓް ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިހު ކެމްޕެއިން ދަތުރުތައް އީދު ބަންދަށްފަހު ފަށްޓަވާނެކަމަށް އެމްޑީޕީން ވިދާޅުވެއްޖެއެވެ.
އެމްޑީޕީގެ ޗެއަރޕާސަންގެ ނާއިބް އިބްރާހީމް ވަޙީދު ވިދާޅުވީ، ޢީދު ބަންދަށްފަހު އެމްޑީޕީގެ ރިޔާސީ ކެނޑިޑޭޓާއިއެކު ރާއްޖޭގެ ހުރިހާ ރަށަކަށް ކެމްޕެއިން ދަތުރުތައް ކުރަން ހަމަޖެހިފައިވާކަމަށެވެ.
އޭނާ ވިދާޅުވީ ރައީސް ޞާލިޙުގެ ކެމްޕެއިން ރަސްމީކޮށް ލޯންޗު ކުރުންވެސް އޮންނާނީ ޢީދު ބަންދަށް ފަހު ކަމަށެވެ.
ރިޔާސީ އިންތިހާބުގައި އެމްޑީޕީގެ ފަރާތުން ރައީސް ޞާލިޙް ވާދަކުރައްވާއިރު ޖުމްހޫރީ ޕާޓީ (ޖޭޕި)ގެ ޓިކެޓުގައި ވާދަކުރައްވަނީ ގާސިމް އިބްރާހިމްއެވެ.. މީގެއި ތުރުން އެމްއެންޕީގެ ޓިކެޓުގައި އެޕާޓީގެ ލީޑަރު މުހައްމަދު ނާޒިމް އިންތިހާބުގައި ވާދަކުރައްވާއިރު އިދިކޮޅު ޕީޕީއެމްގެ ރިޔާސީ ކެނޑިޑޭޓަކީ ކުރީގެ ރައީސް އަބްދުﷲ ޔާމީންއެވެ.
މިއަހަރުގެ ރިޔާސީ އިންތިޚާބު ބޭއްވުމަށް އިލެކްޝަންސް ކޮމިޝަނުންނިންމާފައިވަނީ ސެޕްޓެމްބަރު މަހުގެ 9 ވަނަ ދުވަހުއެެވެ.
މިހާރު ދުވާލު ދެއިރު ރާއްޖެތެރޭގައި އެކުރަނީ ކީއްބާ؟