ޕީޕީއެމް ދޫކުރެއްވި ޣާލިބު، އެމްޑީޕީއަށް

އިދިކޮޅު ޕީޕީއެމުން ވަކިވި އެ ޕާޓީގެ ސެނެޓް މެމްބަރު އަޙުމަދު ޣާލިބު، ވެރިކަން ކުރާ މައި ޕާޓީ، އެމްޑީޕީއާ ގުޅިވަޑައިގެންފިއެވެ.

Ads by STELCO

މި ސަރުކާރު ހިންގާ ކޯލިޝަންގެ މައި ޕާޓީ އެމްޑީޕީން މިއަދު ބުނީ ކެލާ ދާއިރާގެ ކުރީގެ ރައީސްކަން ވެސް ކުރައްވާފައިވާ ޣާލިބާ އެކު ގިނަ އަދަދެއްގެ ބަޔަކު އެމްޑީީޕީއާ ގުޅިފައިވާ ކަމަށެވެ.

ރާއްޖޭގައި އެންމެ މެމްބަރުން ގިނަ ޕާޓީ އެމްޑީޕީ އަށް ސޮއިކުރައްވައި ޣާލިބުގެ ފޯމު ހަވާލުކުރެއްވީ ރައީސް އިބްރާހިމް މުޙައްމަދު ޞާލިޙާއެވެ.

އެ ރަސްމިއްޔާތުގައި އެމްޑީޕީގެ ޗެއާޕާސަން އަދި އިކޮނޮމިކް މިނިސްޓަރު ފައްޔާޒު އިސްމާއިލް ވެސް ބައިވެރިވެވަޑައިގަތެވެ.

އެމްޑީޕީއަށް ސޮއި ކުރެއްވުމަށް ފަހު ކުރެއްވި ޓުވީޓެއްގައި ޣާލިބް ވިދާޅުވީ، އޭނާ އެ ނިންމުން ނިންމެވީ އާއިލާ އަދި ކުރިން ޕީޕީއެމްގައި ތިބި ގިނަ ބަޔަކާ އެކު ކަމަށެވެ. އެއީ ފެށުމެއް ކަމަށް ވެސް  ވިދާޅުވިއެވެ.