ޑިމޮކްރެޓްސް އިން ޒުވާނުންގެ ހިޔާލާއި މަޝްވަރާ ހޯދަނީ
ދަ ޑިމޮކްރޭޓްސްގެ ފަރާތުން ޑިމޮކްޜޭޓުންނަކީ ކޮބައިކަން ބުނެދިނުމާއި ޒުވާނުންގެ ޚިޔާލާ މަޝްވަރާ ހޯދުމަށް، ވޯކްޝޮޕްތަކެއް ކުރިޔަށް ގެންދަން ފަށައިފިއެވެ.
ރައީސް ނަޝީދު އުފެއްދެވުމަށް މަސައްކަތް ކުރަމުން އަންނަ ސިޔާސީ ޕާޓީ ކަމުގައި ވާ ދަ ޑިމޮކްރެޓްސްއިން ފެށި މި ސިލްސިލާގެ ފުރަތަމަ ބައްދަލުވުން ބާއްވާފައިވަނީ ޖޫން މަހުގެ 17 ވަނަ ދުވަހު ހެންވޭރު މައިޒާން ދޮށުގޭގައެވެ. އަދި ދެވަނަ ބައްދަލުން ބުދަ ދުވަހުގޭ ބާއްވާފައިވާއިރު މި ބައްދަލުވުންތަކުގައި މައިގަނޑުގޮތެއްގައި ބުނެދެވެނީ ޑިމޮކްރޭޓުންގެ މަގްސަދުތަކާއި އެމްޑީޕީ ދޫކޮށް ޑެމޮކްރޭޓްސް އުފައްދަން ޖެހުނު ސަބަބުތައް ކަމަށް ދަ ޑިމޮކްރެޓްސް އިން މައުލޫމާތު ދެއްވައެވެ.
މީގެ އިތުރުން ޒުވާނުންގެ ޚިޔާލާއި މަޝްވަރާ ޑެމޮކްރޭޓުންގެ އިސް ބޭފުޅުންވަނީ ހޯއްދަވާފައި ކަމަށާއި އަދި ޒުވާނުންގެ ސުވާލުތަކަށް ޖަވާބު އަރުވާފައިވާކަމަށް އެފަރާތުން މައުލޫމާތު ދެއްވައެވެ.
ބުދަ ދުވަހުގެ ރޭ ބޭއްވި ބައްދަލުވުމުގައި ޑެމްކޮރޭޓްސްގެ ފަރާތުން ބައިވެރިވެވަޑައިގެންނެވީ މަޖިލީހުގެ ނައިބު ރައީސް އީވާ އަބްދުﷲ އާއި އެމްޑީޕީގެ ކުރީގެ ނައިބް ރައީސް މުހައްމަދު ޝިފާޒުގެ އިތުރުން މަޑަވެލި ދާއިރާގެ މެމްބަރު ހުސައިން ފިރުޝާންއެވެ.
