ސިޔާސީ ޕަޓީތަކުގެ ދަފްތަރުގައި ޑިމޮކްރެޓްސް ހިމަނައިފި
ދަ ޑިމޮކްރޭޓްސް އިލެކްޝަންސް ކޮމިޝަނުގެ ދަފްތަރުގައި މިއަދު ހިމަނައިފިއެވެ.
އީސީގެ ނައިބު ރައީސް އިސްމާއިލް ހަބީބް ވިދާޅުވީ ދަ ޑިމޮކްރެޓްސް ނަމުގައި، ސިޔާސީ ޕާޓީއެއް އުފެއްދުމަށް، ހ. ސީވީޑް އަލްއުސްތާޛް ޙަސަން ލަތީފް ހުށަހަޅުއްވާފައިވާ ހުށަހެޅުއްވުމާ ގުޅިގެން ސިޔާސީ ޕާޓީއެއް ރަޖިސްޓަރީ ކުރުމަށްޓަކައި ފުރިހަމަ ވާންޖެހޭ އިޖްރާއާތު ފުރިހަމަ ކޮށްފައިވާތީ"ދަ ޑިމޮކްރެޓްސް" ސިޔާސީ ޕާޓީތަކުގެ ދަފްތަރުގައި ހިމެނުމަށް، މިއަދު ބޭއްވި އިލެކްޝަންސް ކޮމިޝަންގެ 793 ވަނަ ޢާންމު ޖަލްސާގައި، މެންބަރުންގެ އިއްތިފާގުން ފާސްކޮށްފައިވާ ކަމަށެވެ.
3560 ފޯމާއެކު ޑިމޮކްރެޓްސް ޕާޓީ ރަޖިސްޓްރީކުރަން އީސީއަށް ހުށަހެޅީ ޖޫން އެއްވަނަ ދުވަހުއެވެ. ޑިމޮކްރެޓްސް އުފެއްދުމުގެ ހުއްދަ ދީފައިވަނީ 2 ޖުލައި 2023 ވީ އާދިއްތަ ދުވަހުއެވެ.
އަދި 05 ޖުލައި 2023 ވީ ބުދަ ދުވަހުގެ ރޭ ޑިމޮކްރެޓްސް އުފެއްދުމަށް ބާއްވަންޖެހޭ ޖަލްސާ ބާއްވާ ޕާޓީގެ ނަމާއި ކުލަ އާއި ލޯގޯ ވެސް ވަނީ ފާސްކޮށްފައެވެ.
