ދަ ޑިމޮކްރެޓްސް ޕާޓިގެ ރިޔާސީ ޕްރައިމަރީއަށް މިމަހު 28ގައި

ރައްޔިތުންގެ މަޖިލީހިގެ ރައީސް، ރައީސް ނަޝީދަށް ތާއީދުކުރައްވާ ބޭފުޅުން އިސްވެ އުފެއްދެވި ދަ ޑިމޮކްރެޓްސް ޕާޓީގެ ރިޔާސީ ކެންޑިޑޭޓް ކަނޑައެޅުމަށް ބާއްވާ ޕްރައިމަރީގައި ވާދަ ކުރުމުގެ ފުރުސަތު ހުޅުވާލައިފިއެވެ.

Ads by Hajj Corporation

މި އިންތިހާބު އޮންނާނީ މިމަހު 28 ވާ ހުކުރު ދުވަހުގެ މެންދުރު 14:00 އިން 18:00އަށް ކަމަށް އެ ޕާޓީން އިއުލާނުކޮށްފައިވާއިރު، ޕްރައިމަރީގައި ވާދަކުރުމަށް ބޭނުންވާ ކެންޑިޑޭޓުން މިމަހުގެ 22 ވާ ހޮނިހިރު ދުވަހުގެ ކުރިން އެކަމަށް އެދި ހުށަހެޅުމަށް އެ ޕާޓީން ބުނެފައިވެއެވެ.

ޑިމޮކްރެޓްސްއިން ބުނީ ވޯޓު ދިނުމުގެ ހައްގު ލިބިފައިވާ މީހުންގެ ލިސްޓު މިއަދު އާއްމުކުރާނެ ކަމަށާއި އެ ލިސްޓަށް އަންނަ ހޮނިހިރު ދުވަހާ ހަމައަށް ޝަކުވާ ހުށަހެޅުމުގެ ފުރުސަތު އޮންނާނެ ކަމަށެވެ.