އިސްލާާމްދީނާއި ދެކޮޅު ޢަމަލުތައް ހުއްޓުވުމަށް ދިވެހި ސަރުކާރުން ގޮވައިލައްވައިފި
އިސްލާމްދީނާއި ދެކޮޅު ޢަމަލުތައް އިތުރުވެފައިވާތީ، އެކަން ހުއްޓުވުމަށް ބައިނަލްއަޤްވާމީ ފަރާތްތަކަށް ރާއްޖެއިން ގޮވައިލައިފިއެވެ.
ރާއްޖެއިން މިކަމަށް ގޮވާލާފައިމިވަނީ މިިދިޔަ ބުރާސްފަތި ދުވަހު ސްވިޑަންގެ ސްޓޮކްހޯމްގައި ހުންނަ އިރާގު އެމްބަސީގެ ކުރިމަތީގައި ޤުރުއާނުގައި ކޮޅުފައިން ޖަހައި ގެއްލުން ދޭން މީހަކު މަސައްކަތް ކުރުމާ ގުޅިގެންނެވެ.
މި މައްސަލައިގައި ފޮރިން މިނިސްޓްރީން ނެރުއްވި ބަޔާނެއްގައި ބުނީ ޚިޔާލުފާޅުކުރުމުގެ ނަމުގައި ހިންގާ މިފަދަ ޖަރީމާތައް އެއްގޮތަކަށް ވެސް ބަލައިނުގަންނާނެ ކަމަށެވެ.
އަދި ދީނަށް ފުރައްސާރަކުރުމުގެ ޢަމަލުތަކުގެ ސަބަބުން ގުޅުންތަކާއި އެއްބައިވަންތަކަމުގެ އަސާސްތައް ދެމެހެއްޓުމަށް ކުރާ މަސައްކަތަށް ބުރުއަރާ ކަމަށް ވެސް ވިދާޅުވިއެވެ.
ދިވެހި ސަރުކާރުން ވަނީ މިފަހަކަށް އައިސް އިސްލާމްދީނާއި ދެކޮޅަށް ހިންގާ އަމަލުތައް އިތުރުވަމުން އަންނާތީ އެކަންކަން ހުއްޓުވަން ބައިނަލްއަޤްވާމީ ފަރާތްތަކަށް ގޮވައިލައިފައެވެ.
އަދި އެފަދަ ކަންކަން ތަކުރާރު ނުވާނެ ގޮތަށް ފިޔަވަޅު އަޅަން ވެސް ރާއްޖޭން ވަނީ ގޮވައިލައިފައެވެ.
އިސްލާމް ދީނާއި ދެކޮޅު ހަރަކާތް ހިންގާ މީހުން ގޮވައިގެން އުޅެނީ ކަލޭމެން އެމީހުނަށް ހިމާޔަތްދީގެން އެމީހުނަށް ފަންޑު ދީގެން އުޅެފައި ތިޔަގޮވަނީ ކޮން ގޮވެލިއެއްތަ !