12 މިސްކިތެއްގެ މަސައްކަތް ނިމި، 19 މިސްކިތެއްގެ މަސައްކަތް ކުރިއަށް އެބަދޭ: އިސްލާމިކް މިނިސްޓްރީ

ރައީސް އިބްރާހީމް މުޙައްމަދު ޞާލިޙުގެ ވެރިކަމުގައި ފާއިތުވެގެން މިދިޔަ މުއްދަތުގައި، މިހައިތަނަށް 12 މިސްކިތެއް އަޅާފައިވާ ކަމަށް އެ މިނިސްޓްރީން ވިދާޅުވެއްޖެއެވެ.

Ads by MWSC

އިސްލާމިކް މިނިސްޓްރީގެ ޑިރެކްޓަރ ޖެނެރަލްގެ މަޤާމުގައި ހުންނެވި ޢަބްދުލްޢަޒީޒު ވިދާޅުވީ، މިހައިތަނަށް އިމާރާތް ކުރި މިސްކިތްތަކުގެ މަސައްކަތް ކުރިއަށް ގެންގޮސްފައި ވަނީ، ކުރިން އެ މަސައްކަތް ކުރަމުން އައި ޑިޒައިނަށް ބަދަލު ގެނައުމަކާއި ނުލައި ކަމަށާއި، އާއްމުކޮށް އަޅާފައި ހުންނާނީ ގާާތްގަނޑަކަށް 300އެއްހައި މީހުންގެ ޖާގައިގެ މިސްކިތްތައް ކަމަށެވެ.

އޭނާ ވިދާޅުވީ ޒަމާނީ ފެންވަރަށް މިސްކިތްތައް އިމާރާާތް ކުރުމަށް އިސްލާމިކް މިނިސްޓަރ ޑރ.އަޙްމަދު ޒާހިރު އިސްކަން ދެއްވާތީ، މިހާރު އިމާރާާތް ކުރާ މިސްކިތްތަކުގެ ޑިޒައިނަށް ބަދަލު ގެނެސްފައިވާނެ ކަމަށެވެ.

"އެހެންނަމަވެސް، މިނިސްޓަރު ހަމަ ވަރަށް ބޮޑަށް ބައްލަވާ ފަހުގެ، ޒަމާނާ އެއްގޮތަށް ތަރައްޤީ ވަމުންދާ، އުމްރާނީ އެކި، މިސްކިތްތައްވެސް ހަމަ އެހައި ފުރިހަމައަށް، މިސްކިތަށް އަރާއިރު ހިތްހަމަޖެހޭ ތަންތަނަށް ހެއްދެވުމަށްޓަކާ."

އޭނާ އިތުރަށް ވިދާޅުވީ އިސްލާމިކް މިނިސްޓްރީން މިހާރު ވެސް 19 މިސްކިތެއްގެ ޢަމަލީ މަސައްކަތް ކުރަމުން އަންނައިރު، ޓެންޑަރިން މަރުޙަލާގައި 15 މިސްކިތް އެޅުމުގެ މަޝްރޫޢު ހިމެނޭ ކަމަށެވެ.

"އަދި ޕްރީ ޓެންޑަރިންގައި އެއް މިސްކިތް އެބައިން، އަދި ހަމަ އެއާއެކުގައި، މިހާރު އެވޯޑް ކުރެވިފައި، އަދި މަސައްކަތް ނުފެށި އެއް މިސްކިތް ވެސް އެބަހުރި."

އޭނާ އިތުރަށް ވިދާޅުވީ ސަރުކާރުން މިސްކިތް އިމާރާތް ކުރާއިރު، ނަމާދު ކުރާ މީހުންނަށް ދިމާވާ ދަތިތައް ޙައްލު ކުރުމަށް އިސްކަންދެމުން އަންނަ ކަމަށެވެ. އެގޮތުން ބައެއް މިސްކިތްތަކުގެ ތެރޭގައި ހަދައިފައިވާ ތަނބުގެ ސަބަބުން ސަފު ހަދަން އުނދަގޫވާތީ، އެކަން ޙައްލުވާނެ ގޮތަށް އިމާރާތް ކުރުން ފަދަ ބަދަލުތައް ޑިޒައިނަށް ގެންނަ ކަމަށް ވިދާޅުވިއެވެ.