ކޮވިޑް ޖެހިފައި ތިބި 14 މީހަކަށް ނުގުޅިގެން ފެސިލިޓީތަކަށް ނުގެންދެވިފައި
ކޮވިޑް-19 އަށް ފައްސިވި 14 މީހަކަށް ފޯނުން ގުޅިފައި ނުވާތީ އެމީހުން އައިސޮލޭޝަން ފެސިލިޓީތަކަށް ނުގެންދެވޭ ކަމަށް ހެލްތު އެމަޖެންސީ އޮޕަރޭޝަން ސެންޓަރު (އެޗްއީއޯސީ) އިން ބުނެފި އެވެ.
އެޗްއީއޯސީން ބޭއްވި ނޫސްވެރިންގެ ބައްދަލްވުމުގައި ޑރ. އަފްޒަލް ވިދާޅުވީ، އައިސޮލޭޝަން ފެސިލިޓީތަކަށް ނުގެންދެވި 359 މީހަކު ތިބި ކަމަށެވެ. އެއީ ތަފާތު އެކި ސަބަބުތައް މެދުވެރި ވެގެން ކަމަށް އޭނާ ވިދާޅުވިއެވެ.
ބައެއް ތަފްސީލު ދެއްވަމުން ވިދާޅުވީ އޭގެ ތެރެއިން 85 މީހަކު ފެސިލިޓީތަކަށް ދާން ދެކޮޅު ހަދާ ކަމަށެވެ. އަދި 15 މީހަކު ފެސިލިޓީތަކަށް ނުގޮސް ތިބީ އާއިލާގެ އެހެން މީހުންގެ ނަތީޖާތައް ލިބެންދެން ކަމަށެވެ. މިހާތަނަށް 14 މީހަކާއި ނުގުޅިގެން އެ މީހުންވެސް ފެސިލިޓީތަކަށް ގެންދެވިފައި ނުވާ ކަމަށް އަފްޒަލް ވިދާޅުވިއެވެ.
ޑރ. އަފްޒަލް ވިދާޅުވީ އެޗްޕީއޭގެ މަސައްކަތް ކުރި ގޮތުން ފެސިލިޓީތަކަށް ނުގެންދެވި ތިބީ 22 މީހުން ކަމަށެވެ.
