ފުޅަނދުތައް ދައްކާލުން މިއަދު ހަވީރު 4:30ގައި ސެންޓްރަލް ޕާރކްގައި

މިނިވަން ދުވަހާއި ގުޅުވައިގެން އެކި މުއައްސަސާތަކުން ހެދި ފުޅަނދުތައް ދައްކާލުން މިއަދު ހަވީރު 4:30ގައި ސެންޓްރަލް ޕާރކްގައި އޮންނާނެ ކަމަށް އާބަންކޯއިން ބުނެފިއެވެ.

Ads by Hajj Corporation

އާބަންކޯއިން ބުނި ގޮތުގައި ފުޅަނދުތައް ދައްކާލުން އޮންނާނީ މިއަދު ހަވީރު 4:30 އިން ފެށިގެން 6:00 އަށެވެ.

މީގެ އިތުރުން މާލޭގައި ފެތުރެމުން އަންނަ ރޯގާއާ ގުޅިގެން ޕޯސްޓްޕޯންޑް ކުރި މިނިވަން އުފާ ކާނިވަލް ވެސް މިރޭ ބޭއްވުމަށް ވަނީ ނިންމާފައެވެ. މިނިވަން އުފާ ކާނިވަލުގެ ހަރަކާތްތަކުގެ ތެރެއިން މިރޭ ހުޅުމާލޭ ސެންޓްރަލް ޕާކުގައި 8 މިނެޓަށް ހަވާ އަރުވާނެ ކަމަށް އެމްއެންޑީއެފުން ވަނީ ބުނެފައެވެ.

މިނިވަން އުފާ ކާނިވަލް ފުރަތަމަ ބޭއްވުމަށް ނިންމާފައިވަނީ އިއްޔެއެވެ. ނަމަވެސް މާލޭގައި ރޯގާއެއް ފެތުރޭތީ, ރޭގެ އިވެންޓް ފަސްކުރިއެވެ.