ވިސާ އާއި ނުލައި ޖަޕާނަށް ދެވޭ ގޮތް ހަދަނީ
ވިސާ އާއި ނުލާ ރާއްޖެއިން ޖަޕާނަށް ދެވޭ ގޮތް ހަދަން މަޝްވަރާކޮށްފިއެވެ.
ޖަޕާނުގެ ފޮރިން މިނިސްޓަރު ހަޔާޝީ ޔޮޝިމާސާ ރާއްޖެއަށް މިހާރު ކުރައްވަމުން ގެންދަވާ ރަސްމީ ދަތުރުގެ ތެރެއިން މިއަދު ބޭއްވި ބައްދަލުކުރެއްވުމުގައި ވަނީ ޕްލޮމެޓިކް އަދި އޮފިޝަލް ޕާސްޕޯޓްތަކަށް ދެ ގައުމުން ވެސް 90 ދުވަހުގެ މުއްދަތަކަށް ވިސާއާ ނުލައި ދަތުރުކުރެވޭ ގޮތަށް ހަދާފައެވެ.
ރާއްޖޭގެ ހާރިޖީ ވަޒީރު އަބްދުﷲ ޝާހިދު ވިދާޅުވީ އެ އެއްބަސްވުމަކީ އާންމު ޕާސްޕޯޓުތަކަށް ވިސާ މާފުކޮށްދިނުމުގެ ގޮތުން ކުރަންޖެހޭ މަސައްކަތުގެ ފެށުން ކަމަށެވެ. އަދި އެކަމާ ގުޅޭ އިތުރު މަޝްވަރާތައް ކުރުމަށް ރާއްޖެއިން ތައްޔާރަށް އޮތް ކަމަށް އޭނާ ވިދާޅުވިއެވެ.
ޖަޕާނުގެ ފޮރިން މިނިސްޓަރުގެ ވާހަކަފުޅުގައި ވަނީ ރާއްޖޭގެ ފަރާތުން ވިސާ މާފުކޮށްދިނުމަށް އެދުނު އެދުން ވަރަށް ސީރިއަސް ކަމެއްގެ ގޮތުގައި ބައްލަވާނެ ކަމަށް ވިދާޅުވެފައެވެ.
