ނަޝީދަށް އަޅުގަނޑާ ބެހިނުލައި ހަމަ ނުހުރެވެނީ: ރޮޒައިނާ

ރައީސް އިބްރާހީމް މުޙައްމަދު ޞާލިޙުގެ ކެމްޕެއިން ޓީމުގެ ވަރުގަދަކަން ފެނިފައި ކުރީގެ ރައީސް މުޙައްމަދު ނަޝީދަށް، ރައްޔިތުންގެ މަޖިލީހުގެ މީދޫ ދާއިރާގެ މެމްބަރު ރޮޒައިނާ އާދަމް އާއި "ބެހި ނުލައި ހަމަ ނުހުރެވެނީ" ކަމަށް އޭނާ ވިދާޅުވެއްޖެއެވެ.

Ads by STELCO

ޮރޮޒައިނާ މިހެން ވިދާޅުވީ، އައްޑޫ މީދޫ ދާއިރާގެ ގޮނޑިއަށް ރޮޒައިނާ ގެނައުމަކީ ކުރެވުނު ވިޔާނުދާ ކަމެއް ކަމަށް ރައީސް ނަޝީދު ވިދާޅުވުމާއި ގުޅިގެންނެވެ.

ރޮޒައިނާ ރައްދުގައި ކުރައްވައިފައިވާ ޓްވީޓުގައި ވަނީ މީދޫ އާއި މަރަދޫފޭދޫގައި އުފާވެރި އަމާން ރާއްޖެ ކެމްޕެއިން ހަރަކާތްތައް ފަތުއަޑު ކިޔާފައި ބާރަށް ކުރިއަށްދާ ކަމަށާއި، އިރާދަކުރެއްވިއްޔާ ރައީސް ޞާލިޙު އެ ދާއިރާ ބޮޑުކޮށް ނަގާނެ ކަމަށްވެސް އޭނާ ވިދާޅުވިއެވެ.

"އެހެންވީމަ ރައީސް ނަޝީދަށް އަޅުގަނޑާ ބެހިނުލާ ހަމަ ނުހުރެވެނީ، މި ޓީމްގެ ވަރުގަދަކަން ފެނިފަ!" ރޮޒައިނާ ކުރެއްވި ޓުވީޓުގައި ވިދާޅުވިއެވެ.

ރޮޒައިނާ ވަނީ މީގެ ކުރިން ވެސް ރައީސް ނަޝީދަށް ވަރަށް ބޮޑަށް ފާޑު ވިދާޅުވެ ވާހަކަ ދައްކަވައި، އެމަނިކުފާނަކީ ޑިކްޓޭޓަރެއްގެ ގޮތުގައި ސިފަ ކުރައްވައިފައެވެ.