ޤައުމުގެ މިނިވަންކަން ގެއްލޭ ފަދަ އެއްވެސް ކަމެއް މުޢިއްޒު ނުކުރައްވާނެ: ޝުޖާޢު
ޤައުމުގެ މިނިވަންކަން ގެއްލޭ ފަދަ އެއްވެސް ކަމެއް މާލޭގެ މޭޔަރު ޑރ. މުހައްމަދު މުއިއްޒު ނުކުރައްވާނެ ކަމަށް ޕީއެންސީގެ ނައިބު ރައީސް އިބްރާހީމް ޝުޖާޢު ވިދާޅުވެއްޖެއެވެ.
ޝުޖާޢު ކުރެއްވި ޓްވީޓެއްގައި ވިދާޅުވީ މުއިއްޒު ހިންގަވާނީ ރައީސް ޔާމީން ހިންގެވި މަގުން ކަމަށެވެ. އަދި ޤައުމުގެ މިނިވަންކަމާއި އިސްތިގްލާލް ގެއްލޭ އެއްވެސް ކަމެއް މުޢިއްޒު ނުކުރައްވާނެ ކަމަށާއި ދިވެހި ޤައުމުގެ މިނިވަންކަން ގެއްލިދާ ކޮންމެ ފަހަރަކު މިނިވަންކަން އިޔާދަކުރުމަށް ތެދުވަނީ ބޮޑުތިލަދުންމަތީގެ ދަރިން ކަމަށް ޝުޖާޢު ވިދާޅުވިއެވެ.
" މިސަރުކާރު ބަލިކުރުމަށް ލޮބުވެތި ރައްޔިތުންގެ އިހްލާސްތެރި ވޯޓް އަޅުގަނޑުމެންގެ ކެނޑިޑޭޓް މުޢިއްޒު އާއި ރަނިންގ މޭޓް ސެންބެ އަށް ދެއްވާ" ޝުޖާޢު ވިދާޅުވިއެވެ.
މިފަހަރުގެ ރިޔާސީ އިންތިޚާބަށް 8 ކެންޑިޑޭޓަކުން މިވަނީ ނަން ހުށައަޅާފައެވެ. އޭގެ ތެރޭގައި ހިމެނެނީ މިނިވަންކޮށް ވާދަކުރި 3 ކެންޑިޑޭޓުންނާއި އެކި ސިޔާސީ ޕާޓީތަކުން ވާދަކުރި 5 ކެންޑިޑޭޓުންނެވެ.
ސިޔާސީ ޕާޓީތަކުން ކުރިމަތިލެއްވި ކެންޑިޑޭޓުންނަކީ ރައީސް އިބްރާހިމް މުހައްމަދު ޞާލިހު / އެމްޑީޕީ, ޑރ.މުހައްމަދު މުއިއްޒު / ޕީއެންސީ, ޤާސިމް އިބްރާހިމް / ޖުމްހޫރީ ޕާޓީ, މުހައްމަދު ނާޒިމް / އެމްއެންޕީ, އަދި އިލްޔާސް ލަބީބް / ޑިމޮކްރެޓްސް އެވެ. އަމިއްލަ ގޮތުން އަހުމަދު ފާރިސް މައު
