މުޢިއްޒުގެ ވަޢުދު: ވ.އަތޮޅުގެ ރައްޔިތުންނަށް ޕިކްނިކް އައިލެންޑެއް
ވެރިކަން ލިބިވަޑައިގެންފިނަމަ، ވ. އަތޮޅުގައި ޕިކްނިކް ގޮސް އުޅެވޭނެ ރަށެއް ޤާއިމުކޮށް ދެއްވާނެ ކަމަށް ޕީއެންސީގެ ރިޔާސީ ކެންޑިޑޭޓު ޑރ. މުޙައްމަދު މުޢިއްޒު ވައުދުވެވަޑައިގެންފިއެވެ.
ވ. ފުލިދޫގައި މުޢިއްޒު ވިދާޅުވީ ރަށުގެ ރައްޔިތުންނާއި އަތޮޅުގެ ރައްޔިތުންނާއި އެހެން ރަށް ރަށުގެ މީހުން ދަތުރު ދާން ޕިކްނިކް އައިލެންޑެއް ތަރައްގީ ކުރުމަކީ މުހިންމު ކަމެއް ކަމަށާއި، ތަނެއް ހިއްކައިގެން ވިޔަސް، ޕިކްނިކް އައިލެންޑެއް ތަރައްޤީ ކުރުމަކީ އިގްތިސާދު ކުރިއަރާނެ ކަމެއް ކަމަށެވެ.
މުޢިއްޒުގެ ވާހަކައިގައި އިދިކޮޅު ލީޑަރު، ރައީީސް ޔާމީންގެ ެވެރިކަމުގައި 108 ރަށުގެ ބަނދަރު ތަރައްޤީ ކުރެއްވިކަން ފާހަގަކުރައްވައި ވިދާޅުވީ ފުލިދޫގެ ބަނދަރު ވެސް ހަދައި ރައްޔިތުންނަށް ފަސޭހަ ކަން ލިބޭ ގޮތް ހެދުމަކީ ރައްޔިތުންނަށް ދެއްވާ ޔަގީން ކަމެއް ކަމަށެވެ.
އެ ރަށުގެ ބިން ހުސްވުމާ ގާތްވެފައި އޮތް އިރު، 20 ގެވަޅު ދިނުމުން ރަށުގެ ބިން ހުސްވެގެންދާ ކަމަށް ވެސް މުޢިއްޒު ވިދާޅުވިއެވެ. ބިން ހިއްކުމަކީ ވަރަށް ހަރަދު ހިނގާ ކަމަކަށްވާ އިރު، އިގްތިސާދުކޮށްގެން ކުރިއަށް ގެން ގޮސްފިނަމަ، ސަރުކާރަށް އޭގެ ބުރަ ކުޑަވާނެ ކަމަށް ވެސް މުޢިއްޒު ވިދާޅުވިއެވެ.
ޕީޕީއެމް-ޕީއެންސީގެ ވެރިކަމެއްގައި ބިން ހިއްކުމުގެ މަޝްރޫޢުތައް ހިންގެވުމަށް އިސްކަން ދެއްވާނެކަން ފާހަގަކުރައްވައި މުޢިއްޒު ވަނީ ފުލިދޫގެ ބިން ވެސް ހިއްކަވާނެ ކަމަށް ވިދާޅުވެފައެވެ.
